O colexio de Moncelos, en Abadín, acolle mañá, 31 de maio, un curso sobre exercicio físico e ocio saudables que se impartirá de 16.30 a 20.30 horas dirixido a pacientes, familiares e poboación en xeral.
A formación estará a cargo de Orlando Blanco Iglesias, técnico do Servizo de estilos de vida saudables e educación para a saúde, da Consellería de Sanidade. Ten como obxectivo dar a coñecer a importancia do estilo de vida no benestar persoal e mantemento do contacto directo da persoa coa contorna.
Durante o curso falarase de estilos de vida saudables de alta lonxevidade e calidade de vida, visión integral da saúde, dos pilares do autocoidado (actividade física, alimentación, estrés, siño, adicións e emocións…) e exercicio físico e hixiene postural.
