Skip to main content
Comarca AMARIÑAXAComarca TERRACHÁXA

A UE certifica o cumprimento ao 100% do Life in Common Land

Por 3 Xuño, 2023Xuño 5th, 2023Sin comentarios

A Unión Europea vén de certificar que está cumprido o 100% do programa Life in Common Land.  Trátase dun programa que se impulsou desde a Deputación de Lugo en colaboración coas universidades de Santiago de Compostela e A Coruña, co obxectivo de protexer un conxunto de hábitats único na Europa continental e favorecer o aproveitamento sostible da riqueza ambiental da Serra do Xistral.

Neste sentido, Europa comunicou o último ingreso para completar a totalidade das axudas destinadas a este plan, pioneiro na realización de pagos compensatorios por conservación do territorio. Un último pago de 424.000€ que se suman aos preto de 1,1M€ xa recibidos para acadar os 1,5M€ das axudas deste programa.

“Unha certificación que demostra que as administracións locais somos perfectamente capaces de xestionar Fondos Europeos e levalos ao territorio”, sinalou o deputado Rivera Capón, que puxo en valor a institución provincial como “un aliado perfecto para xestionar Fondos Europeos, a diferencia doutras administracións como a Xunta de Galicia, que ten que devolver máis do 51% dos Fondos Europeos que percibe”.