Esta vila mariñeira conta con excelentes praias que cada ano locen a Bandeira Azul.
Os Sendeiros Azuis son itinerarios e elementos paisaxísticos que enlazan praias ou portos con Bandeira Azul e contribúen positivamente ao uso sostible do litoral. Ademais de ser excelentes lugares para o goce da natureza.
A ruta do litoral comeza na praia da A Marosa, que ten forma de cuncha e é de area branca, atópase moi próxima á zona urbana de Burela. Está situada entre a Punta dás Laxes e Pena Grande. Conta coa típica poboación de fauna e flora do litoral.
Na parte superior vese arroupada por unha gran zona de esparexemento: a área recreativa e deportiva da Marosa, conta cun parque infantil. Idónea para a práctica de deportes acuáticos e outro tipo de deportes. En época estival conta cun chiringuito onde poder beber e/o comer gozando dunhas inmellorables vistas.
Seguindo o paseo litoral, xa sexa a pé ou facendo uso do carril bici, chégase á praia de Ril, que é de pequenas dimensións e conta con area branca de grosor medio e rocas. Atópase entre a praia da Marosa e o centro urbano. A poucos metros pódese observar o asentamento castrexo na zona coñecida como Chao do Castro, orixe do Torques de Burela, emblema do escudo municipal.
Avanzando uns metros atópase a praia do Portelo, que ten forma de cuncha e é de area fina. Atópase en pleno centro urbano polo que conta con numerosos bares e restaurantes nos seus arredores. Está situada entre a enseada de Portelo e o porto de Burela. É moi recomendada para familias con nenos, pola tranquilidade das súas augas e a case ausencia de ondada, ademais con marea baixa é ideal para pasear pola beira.
Seguindo a liña da costa, a poucos metros do inicio da dársena portuaria pódese visitar o Barco Museo Reina do Carmen. Máis adiante da zona portuaria, cara á zona da lonxa climatizada, a aproximación á liña de costa permite descubrir a Zona Xeolóxica do Perdouro.
Outra opción é seguir o carreiro litoral burelense, que no seu tramo final se achega á praia do Cantiño, unha praia de pequenas dimensións formada principalmente por area branca e rocas. Está situada nunha zona semiurbana, xa que nos últimos anos proliferaron as construcións polos seus arredores, tanto en vivendas de uso exclusivo para o verán, como vivendas que se utilizan todo o ano.
Debido ao seu pequeno tamaño cando a marea está en preamar toda a praia está cuberta polo mar, non quedando espazo de area seca. Quizais sexa isto o que lle proporciona o seu innegable encanto, xa que hai que lanzarse ao mar desde a rampla de baixada á praia. Ademais adoita ter pouca ondada e a auga moi cristalina, polo que asemella unha piscina no mar.
Atópase moi próxima ao área recreativa do Cantiño, que conta con zona de merendas con grellas e un parque infantil. Isto fai posible que se poda gozar dun día completo en contacto coa natureza. Polo que é ideal para pasar un día en familia ou amigos.
