A caída da covid na provincia volve ter un revés cun aumento de casos activos na xornada de hoxe, que chegan a ser 161, dez máis que onte. O descenso no día anterior foi de 3 casos.
Diagnosticaron nas últimas 24 horas 16 casos novos (onte foron 9). As altas chegaron ás 12.735, 6 en 24 horas, cando o día anterior foron 12.
Dende que comezou a pandemia, no mes de marzo do pasado ano, hai 13.117 casos rexistrados e 216 persoas falecidas.
A presión hospitalaria sobe a 5 persoas ingresadas no Hula, 1 na UCI e catro en planta (1 máis). Os outros dous hospitais seguen limpos de covid.
A provincia non ten concellos con restricións, mentres que no resto de Galicia son só tres, dous na provincia da Coruña e outro na de Pontevedra.
POR COMARCAS
Similar situación á de onte coa covid con presenza en máis concellos, agás no Sur, pero con baixa incidencia. Con valores de alerta están os concellos de Castroverde e Portomarín.
A Mariña
- Con algún caso activo e baixa incendiencia están Foz, Cervo, A Pontenova e Trabada. Súmase Burela
- O Vicedo volve ter casos cando levaba xusto unha semana sen contaxios novos.
- Xove están sen casos na última semana.
- Sen casos novos máis de 15 días están Ourol, Riotorto, Barreiros, Lourenzá, Mondoñedo, Ribadeo, O Valadouro e Alfoz. Súmase Viveiro.
Terra Chá
- Vilalba, Cospeito, Friol, Guitiriz, A Pastoriza, Pol e Meira teñen casos pero con baixa incidencia. Únese Castro de Rei.
- Abadín e As Pontes levan unha semana sen casos novos. Únese Begonte.
- Sen positivos dende hai máis de quince días están: Muras, Rábade, Castro de Rei e Xermade. Únese Outeiro de Rei.
Centro da provincia
- Os casos en Lugo repuntan ata 79 (3 máis).
- Castroverde segue en valores de alerta extrema con 12 positivos. Súmase tamén Potomarín, que seguen cunha incidencia moi elevada.
- Palas e Monterroso teñen positivos pero con baixa incidencia. Súmanse O Corgo e Guntín.
- Limpos de covid nos últimos quince días están: Negueira de Muñiz, Baleira, Antas de Ulla, Pedrafita, As Nogais, Baralla, Ribeira de Piquín, Becerreá, Cervantes, A Fonsagrada e Navia de Suarna.
Comarca de Sarria
- Sarria suma un positivo máis e xa son 12 pero mantén a incidencia baixa.
- Láncara tamén ten casos e con baixa incidencia.
- Paradela levan unha semana sen casos.
- Samos, O Páramo, O Incio e Triacastela seguen limpos de covid dende fai máis de dúas semanas.
Ribeira Sacra
- Folgoso do Courel ten algún caso pero con baixa incidencia.
- Taboada e Monforte levan xa unha semana sen positivos.
- Sen casos en máis de quince días: Ribas de Sil, Bóveda, O Saviñao, Carballedo, Sober, Pantón, A Pobra de Brollón, Quiroga e Chantada.
