Os casos activos seguen subindo e superan xa o milleiro de casos activos. Así, hoxe hai 539 en toda a provincia, 43 máis que onte, cando o aumento a xornada anterior foi de 29. Diagnosticaron nas últimas 24 horas 59 casos novos (onte foron 37 e o día anterior 32), e as altas chegaron ás 13.004 (15 nun día), o día anterior foron 10.
Dende que comezou a pandemia, no mes de marzo do pasado ano, hai 13.765 casos rexistrados e 217 persoas falecidas.
A presión hospitalaria cae con 3 persoas ingresadas (3 menos). No Hula hai 1 na UCI e 1 en planta (3 menos); e segue un hospitalizado na Mariña.
O Comité clínico pola súa banda mantén a Sarria en alerta alta, o único concello con restricións.
POR COMARCAS
O gromo de Lugo segue crecendo mentres o de Terra Chá e Sarria está controlado. Aínda así Baleira, A Fonsagrada, Pedrafita, Ribeira de Piquín, Sober e Bóveda volven ter contaxios tras semanas limpos o que deixa moi poucos concellos onde o virus non está presente, aínda que os contaxios son poucos e as incidencias non soben moito. Só 19 concellos dos 67 que hai na provincia manteñen lonxe a covid.
A Mariña
- Viveiro sobe a 18 casos (5 máis).
- Foz sobe a 14 casos (3 casos) pero con incidencia controlada.
- Ribadeo chega a 10 casos.
- Lourenzá mantén a incidencia no límite con menos de 10 contaxiados.
- Con algún caso activo e baixa incidencia están Cervo, Xove, Riotorto, Mondoñedo, Burela e Barreiros.
- A Pontenova fai unha semana que non teñen contaxios novos.
- Sen casos novos máis de 15 días están Ourol, O Valadouro, Alfoz, Trabada e O Vicedo.
Terra Chá
- Cospeito, Vilalba, As Pontes, Begonte, Outeiro de Rei, Pol, Guitiriz e Friol teñen casos pero con baixa incidencia.
- Castro de Rei con 16 casos (1 menos), e Meira e A Pastoriza con menos de dez teñen a incidencia moi alta.
- Rábade leva unha semana sen casos novos.
- Sen positivos dende hai máis de quince días están: Muras, Xermade, Abadín.
Centro da provincia
- Os casos en Lugo seguen crecendo sen control ata 239 (21 máis), xa en niveis de alerta.
- Ribeira de Piquín está con incidencia elevada.
- Portomarín, Guntín, O Corgo, Palas, Becerreá, Monterroso, Baleira, A Fonsagrada, Pedrafita e Castroverde teñen positivos pero con baixa incidencia.
- Antas de Ulla e As Nogais está sen casos na última semana.
- Limpos de covid nos últimos quince días están: Negueira de Muñiz, Baralla, Cervantes e Navia de Suarna.
Comarca de Sarria
- No gromo de Sarria volven baixar lixeiramente os casos. Son 60 (3 menos).
- Láncara e Paradela teñen casos con baixa incidencia.
- Triacastela leva unha semana sen casos.
- Samos, O Páramo e O Incio seguen limpos de covid dende fai máis de dúas semanas.
Ribeira Sacra
- Monforte sobe a 22 casos (3 máis) e mantén a incidencia baixa.
- Bóveda tén alta a incidencia.
- Carballedo, O Saviñao, Chantada e Sober teñen casos pero con baixa incidencia.
- Taboada leva sen contaxios novos unha semana. Únense Pantón e Quiroga.
- Sen casos en máis de quince días: Ribas de Sil, A Pobra de Brollón e Folgoso do Courel.
