Os casos activos disparáronse na provincia de Lugo nesta xornada de xoves ao acadar 631 casos activos, 92 máis que a xornada anterior, cando o aumento a xornada anterior foi de 43. Diagnosticaron nas últimas 24 horas 105 casos novos (onte foron 59 e o día anterior 37), e as altas chegaron ás 13.016 (12 nun día), o día anterior foron 15.
Dende que comezou a pandemia, no mes de marzo do pasado ano, hai 13.869 casos rexistrados e 217 persoas falecidas.
A presión hospitalaria sobe de novo con 5 persoas ingresadas (2 máis). No Hula hai 2 na UCI (1 máis) e 2 en planta (1 máis); e segue un hospitalizado na Mariña.
O Comité clínico pola súa banda mantén a Sarria en alerta alta, o único concello con restricións na provincia.
POR COMARCAS
A Mariña experimenta un importante aumento de contaxios, especialmente en Viveiro e Foz e só quedan xa tres concellos limpos de covid. Na Terra Chá a situación empeora en Meira pero mantense estable no resto. Na zona centro, Lugo segue sumando positivos e no Sur mellora a situación en Sarria e empeora en Monforte.
A Mariña
- Viveiro sobe a 30 casos (12 máis) e Foz a 23 (9 máis) achegándose ambos a valores de alerta. Únese Ourol tras meses limpo e con menos de dez casos.
- Ribadeo sobe a 12 casos (2 máis).
- Con algún caso activo e baixa incidencia están Cervo, Xove, Riotorto, Mondoñedo, Burela, Barreiros, A Pontenova e Lourenzá. Únense Alfoz.
- Sen casos novos máis de 15 días están O Valadouro, Trabada e O Vicedo.
Terra Chá
- Vilalba, As Pontes, Begonte, Outeiro de Rei, Pol, Guitiriz e Friol teñen casos pero con baixa incidencia.
- Castro de Rei con 17 casos (1 máis), Meira con 12 e A Pastoriza e Cospeito con menos de dez teñen a incidencia alta.
- Sen positivos dende hai máis de quince días están: Muras, Xermade, Abadín. Únese Rábade.
Centro da provincia
- Os casos en Lugo seguen crecendo sen control ata 268 (29 máis), xa en niveis de alerta.
- Ribeira de Piquín e Monterroso están con incidencia elevada con menos de dez casos.
- Guntín, O Corgo, Palas, Becerreá, Baleira, A Fonsagrada, Pedrafita e Castroverde teñen positivos pero con baixa incidencia.
- Antas de Ulla e As Nogais está sen casos na última semana. Únese Portomarín.
- Limpos de covid nos últimos quince días están: Negueira de Muñiz, Baralla, Cervantes e Navia de Suarna.
Comarca de Sarria
- No gromo de Sarria volven baixar lixeiramente os casos. Son 57 (3 menos).
- Láncara ten a incidencia baixa e Paradela preto de valores de alerta.
- Triacastela leva unha semana sen casos.
- Samos, O Páramo e O Incio seguen limpos de covid dende fai máis de dúas semanas.
Ribeira Sacra
- Monforte sobe a 27 casos (5 máis) e mantén a incidencia baixa.
- Bóveda ten alta a incidencia ao igual que Sober.
- Chantada chega de novo ata os 10 casos.
- Carballedo teñen casos pero con baixa incidencia. Únese Taboada.
- Pantón e Quiroga levan sen contaxios novos unha semana. Únese O Saviñao.
- Sen casos en máis de quince días: Ribas de Sil, A Pobra de Brollón e Folgoso do Courel.
