Os casos activos disparáronse de novo na provincia de Lugo nesta xornada de mércores ao acadar 700 casos activos, 69 máis que onte, cando o aumento a xornada anterior foi de 62. Diagnosticaron nas últimas 24 horas 100 casos novos (onte foron 105 e o día anterior 59), e as altas chegaron ás 13.059 (34 nun día), o día anterior foron 12.
Dende que comezou a pandemia, no mes de marzo do pasado ano, hai 13.972 casos rexistrados e 217 persoas falecidas.
A presión hospitalaria sobe de novo con 8 persoas ingresadas (3 máis). No Hula hai 7 en planta (5 máis); e segue un hospitalizado na Mariña. Na UCI xa non quedan pacientes.
O Comité clínico pola súa banda mantén a Sarria en alerta alta, o único concello con restricións na provincia.
POR COMARCAS
A Mariña segue cun importante aumento de contaxios, especialmente en Viveiro e Foz. Na Terra Chá a situación empeora en Vilalba pero mantense estable no resto. Na zona centro, Lugo segue sumando positivos e no Sur mellora a situación en Sarria e empeora en Monforte.
A Mariña
- Viveiro sobe a 38 casos (8 máis) e Foz a 31 (8 máis) achegándose ambos a valores de alerta. Ourol con menos de dez casos tamén ten a incidencia moi alta.
- Cervo suma xa 10 casos e Burela 11.
- Ribadeo sobe a 20 casos (8 máis).
- Con algún caso activo e baixa incidencia están Xove, Riotorto, Mondoñedo, Barreiros, A Pontenova, Lourenzá e Alfoz . Únense O Vicedo e O Valadouro.
- Sen casos novos máis de 15 días está Trabada.
Terra Chá
- Vilalba chega a 12 casos.
- As Pontes, Begonte, Outeiro de Rei, Pol, Guitiriz e Rábade teñen casos pero con baixa incidencia.
- Castro de Rei con 16 casos (1 menos), Meira con 12 e A Pastoriza, Friol e Cospeito con menos de dez teñen a incidencia alta.
- Sen positivos dende hai máis de quince días están: Muras, Xermade e Abadín.
Centro da provincia
- Os casos en Lugo seguen crecendo sen control ata 292 (24 máis), xa en niveis de alerta.
- Ribeira de Piquín, Monterroso e Becerreá están con incidencia elevada con menos de dez casos.
- Guntín, O Corgo, Palas, Baleira, A Fonsagrada, Pedrafita e Castroverde teñen positivos pero con baixa incidencia.
- Antas de Ulla e As Nogais e Portomarín está sen casos na última semana.
- Limpos de covid nos últimos quince días están: Negueira de Muñiz, Baralla, Cervantes e Navia de Suarna.
Comarca de Sarria
- No gromo de Sarria volven baixar lixeiramente os casos. Son 55 (2 menos).
- Láncara ten a incidencia baixa. Únese O Páramo.
- Paradela eleva a incidencia que está alta.
- Triacastela leva unha semana sen casos.
- Samos e O Incio seguen limpos de covid dende fai máis de dúas semanas.
Ribeira Sacra
- Monforte sobe a 31 casos (4 máis) e eleva a incidencia.
- Bóveda ten alta a incidencia ao igual que Sober.
- Chantada sobe ata os 11 casos (1 máis).
- Carballedo e Taboada teñen casos pero con baixa incidencia. Únese O Saviñao.
- Pantón e Quiroga levan sen contaxios novos unha semana.
- Sen casos en máis de quince días: Ribas de Sil, A Pobra de Brollón e Folgoso do Courel.
