A covid segue disparada na provincia de Lugo cun crecemento continuo que trae maior hospitalización. Malia que os novos contaxios seguen superando a centena cada 24 horas, as altas comezan a paliar o número de casos activos.
Deste xeito, hai 1.023 casos activos, 87 máis que onte, cando a subida o día anterio foi de 139. Diagnosticaron nas últimas 24 horas 106 casos novos (onte foron 149 e o día anterior 119), e as altas chegaron ás 13.104 (21 nun día), o día anterior foron 4.
Dende que comezou a pandemia, no mes de marzo do pasado ano, hai 14.349 casos rexistrados e 217 persoas falecidas.
A presión hospitalaria sobe de novo con 13 persoas ingresadas (3 máis). No Hula hai 10 en planta (2 máis); 2 na Mariña (1 máis) e 1 en Monforte. As UCI seguen baleiras.
O Comité clínico pola súa banda mantén a Sarria en alerta alta, o único concello con restricións na provincia.
POR COMARCAS
A Mariña continúa sumando casos e, como onte, hai estabilidade agás nas vilas de maior poboación como Vilalba, Lugo, Chantada, e Monforte, que volven sumar positivos. O gromo da Terra Chá e o de Sarria comenzar a ofrecer unha melloría.
A Mariña
- Viveiro dispárase a 86 casos (12 máis), Cervo suma xa 21 casos (1 máis), Foz 58 (5 máis), Ribadeo 37 casos (5 máis) e Burela a 35 (9 máis), todos en valores de alerta alta. Únese Mondoñedo con 12 casos.
- Ourol con menos de dez casos tamén ten a incidencia moi alta.
- Lourenzá reduce a incidencia baixando dos dez casos pero con valores altos. Na mesma situación están agora O Valadouro e Alfoz.
- Con algún caso activo e incidencia baixa están Xove, Barreiros, A Pontenova, O Vicedo e Trabada.
- Riotorto leva unha semana sen casos.
Terra Chá
- Vilalba chega a 28 casos (4 máis).
- As Pontes, Outeiro de Rei, Guitiriz, Friol, Rábade e Pol teñen casos pero con baixa incidencia. Únense de novo Begonte (levaba xusto unha semana limpo) e Abadín.
- Castro de Rei con 17 casos (1 menos), Meira con 13 (1 menos), A Pastoriza con 13 (2 máis) e Cospeito xa por debaixo de 10 teñen a incidencia alta.
- Sen positivos dende hai máis de quince días están: Muras e Xermade.
Centro da provincia
- Os casos en Lugo seguen crecendo sen control ata 370 (22 máis), en niveis de alerta.
- Ribeira de Piquín, Monterroso están con incidencia elevada con menos de dez casos.
- Guntín, O Corgo, Palas, Baleira, A Fonsagrada, Pedrafita, Castroverde teñen positivos pero con baixa incidencia.
- Becerreá está con casos pero rebaixa a incidencia.
- As Nogais e Portomarín está sen casos na última semana. Únese Antas de Ulla.
- Limpos de covid nos últimos quince días están: Negueira de Muñiz, Baralla, Cervantes e Navia de Suarna.
Comarca de Sarria
- Sarria volve á senda da contención con 58 casos (6 menos).
- Láncara e Samos teñen a incidencia baixa.
- Paradela ten 11 casos con incidencia alta. O Páramo tamén ten a incidencia alta pero con menos de dez casos.
- O Incio segue limpo de covid dende fai máis de dúas semanas. Únese Triascastela.
Ribeira Sacra
- Monforte sobe a 43 casos (3 máis).
- Bóveda ten alta a incidencia ao igual que Sober.
- Chantada sobe de novo a 23 casos (5 máis).
- Taboada, O Saviñao e Pantón teñen casos pero con baixa incidencia.
- Quiroga leva sen contaxios novos unha semana. Únese Carballedo.
- Sen casos en máis de quince días: Ribas de Sil, A Pobra de Brollón e Folgoso do Courel.