O ritmo de crecemento da covid experimentou unha importante contención de casos activos debido a un elevado número de altas combinado co descenso dos contaxios novos.
Así, hoxe hai 2.218 casos activos, o que supón 6 máis que onte. Esta cifra obtense polos 123 novos contaxios que sumaron en 24 horas e as 119 altas.
Na xornada de onte foi de 31 o aumento de casos activos, con 148 novos positivos e 112 altas.
Ademais, dende que comezou a pandemia, no mes de marzo do pasado ano, hai 16.200 casos rexistrados e 218 persoas falecidas.
A presión hospitalaria volve descender a 40 persoas ingresadas (4 máis). Continúan 3 ingresados na UCI do Hula e nas plantas hai 37, 26 no Hula (4 menos), 8 na Mariña (1 menos) e 3 en Monforte (1 máis).
Dende hoxe o sistema de alerta permanecerá do seguinte xeito:
- En alerta máxima: Burela, Foz, Viveiro e Monterroso.
- En alerta alta: Lugo, Chantada, Monforte, Cervo, Ribadeo e As Pontes.
- No nivel medio: Sarria, Vilalba, Mondoñedo, Barreiros e O Valadouro.
POR COMARCAS
O día que entran en vigor as novas medidas, advírtese unha melloría da situación coa reducción do número de contaxios ou mesmo un estancamento na maior parte dos concellos. A tendencia é lixeira pero empeza a ser visible. Ademais dende hoxe entran en vigor tamén os novos parámetros da Xunta para medir a incidencia polo que os concellos cambian de situación de proximidade á zona de alerta.
A Mariña
- Viveiro ralentiza o crecemento ata 251 casos (3 máis), Cervo segue con 39 casos, Burela con 180, Foz baixa a 145 (3 menos), Ribadeo queda en 84, Xove suma ata 17 (4 máis) e Alfoz segue con 11, todos en valores de alerta alta ou máxima.
- Con incidencia preto da alerta están Barreiros que sobe a 17 (2 máis), Mondoñedo que baixa a 21 (1 menos), O Valadouro que mantén 13 e Lourenzá que segue con 12.
- O Vicedo con 10 e Ourol con menos seguen fóra de alerta pero con valores altos.
- Con algún caso activo e incidencia baixa están Trabada e A Pontenova.
- Riotorto leva limpo 15 días.
Terra Chá
- Coa incidencia controlada están Vilalba, que baixa a 61 casos (5 menos) e As Pontes que sobe 1 caso ata 55.
- Rábade queda en 15 casos e está con incidencia moi alta.
- Cospeito sobe a 14 casos e xa está en valores de alerta alta.
- Abadín (con 1o casos) e Meira (con menos de 10) teñen a incidencia alta.
- Preto da alerta están Outeiro de Rei, que baixa a 20 casos (1 menos).
- Guitiriz (con 10 casos), Friol, Pol, Castro de Rei, Xermade e A Pastoriza teñen casos pero con baixa incidencia. Reduce tamén Begonte.
- Sen positivos dende hai máis de quince días está Muras.
Centro da provincia
- Os casos en Lugo seguen crecendo ata 629 (16 máis).
- O gromo en Monterroso empeza o descenso con47 casos (1 menos).
- Palas con 23 (1 menos), A Fonsagrada segue con 16 teñen a incidencia alta.
- Portomarín e Antas de Ulla teñen a incidencia fóra da zona de alerta pero elevada. Únese O Corgo que baixa a 11 (1 menos)
- Castroverde, As Nogais, Baleira e Navia de Suarna teñen positivos pero con baixa incidencia. Únese Guntín con 10 casos.
- Cervantes e Pedrafita están sen casos na última semana. Únese Baralla.
- Limpos de covid nos últimos quince días permanecen Negueira de Muñiz, Ribeira de Piquín e Becerreá.
Comarca de Sarria
- Sarria rebaixa a 56 positivos (4 menos) coa incidencia en fóra da zona de risco.
- O Páramo está con valores altos e Samos preto de alerta con menos de dez casos os dous.
- Paradela sitúase con Láncara en valores baixos de incidencia.
- Triacastela está sen casos dende hai 7 días.
- O Incio segue limpo de covid dende fai dúas semanas.
Ribeira Sacra
- Monforte sobe a 89 casos (1 máis), en zona fóra de valores de alerta.
- Chantada baixa a 67 casos (2 menos).
- Carballedo sobe a 11 (1 máis) e Bóveda con 10 están coa incidencia moi alta.
- Taboada con 12, O Saviñao con 13 (3 máis) e Folgoso do Courel e A Pobra de Brollón, con menos de dez casos, están en valores preto de alerta.
- Quiroga, Pantón e Sober teñen casos pero con baixa incidencia.
- Ribas de Sil leva unha semana limpo.
AS RESTRICIÓNS
Nas zonas de nivel máximo poderán entrar nestes locais aqueles que teñan certificado de vacinación completa, que pasaran a enfermidade ou teñan un test negativo. Os aforos están no 30% en interior e no 50% en exterior e os horarios manteranse como ata o de agora, con peche ás 1.00 horas.
Nas zonas de nivel alto, o aforo será do 50% en interior e exterior e esixirase os mesmos documentos para entrar. O ocio nocturno permanecerá pechado nos 36 concellos en alerta máxima.
Por último, en nivel medio os aforos tamén estarán limitados ao 50% en interior e exterior, e en nivel medio baixo, ao 50% en interior e 100% en exterior. Nestes casos non será necesario presentar a acreditación obrigatoria dos niveis máis altos de restricións.
Para o ocio nocturno, que pode seguir aberto, as restricións serán as mesmas que ata o de agora, presentar probas, rexistro de clientes e medidor de CO2.
En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.
Non haberá peche perimetral en ningún dos concellos.