A situación da covid non mellora xa que os gromos continúan aparecendo en distintos puntos e non deixan baixar a cifra de casos activos cos novos contaxios en aumento ao igual que a hospitalización..
Así, hai 1.422 casos activos, 45 máis que onte, cun rexistro de 124 novos positivos e 80 altas. Onte a subida foi de 35 casos, con 101 novos enfermos e 67 altas.
Ademais, dende que comezou a pandemia, no mes de marzo do pasado ano, hai 18.837 casos rexistrados e 232 persoas falecidas, 15 nesta quinta vaga.
A presión hospitalaria empeora de novo. Hai 34 persoas ingresadas en catro hospitais (1 máis). Na UCI do Hula seguen 3 persoas e nas diferentes plantas son 31 os enfermos (1 máis); 26 están no de Lugo (2 máis), 3 na Mariña e 2 en Monforte (1 menos).
MAPA DE RESTRICIÓNS
O sistema de alerta está establecido en 4 niveis do seguinte xeito ata o próximo sábado:
- En alerta máxima: ningún.
- En alerta alta: Rábade.
- No nivel medio: Mondoñedo, Monforte de Lemos, Sarria, Monterroso, Viveiro, Ribadeo, Barreiros, Chantada, Lugo e Outeiro de Rei.
- No nivel baixo: o resto de concellos.
A partir do sábado Monforte estará en alerta máxima. Ademais pasan tamén ao nivel alto Castro de Rei, Meira, A Pastoriza, O Saviñao, Pantón, Sober, que se suman a Rábade.
No nivel medio quedarán Outeiro de Rei, Chantada, Lugo, Begonte.
POR COMARCAS
A situación continúa empeorando por distintos gromos. É así na Pastoriza, Begonte, Cospeito, Friol, Vilalba, Monforte, O Saviñao, Monterroso e Baralla.
A Mariña
- A Pontenova queda en 12.
- Alfoz está por debaixo de 10.
- Barreiros baixa de 10 casos.
- Burela reduce a 12 (1 menos).
- Cervo, menos de 10 casos.
- Foz suma 1 con 18 en total.
- Lourenzá, por debaixo de 10.
- Mondoñedo, por debaixo de 10.
- O Valadouro, por debaixo de 10 casos.
- O Vicedo sen casos na última semana.
- Ourol, con menos de dez.
- Ribadeo baixa 2 ata 27.
- Riotorto, con menos de 10.
- Trabada sen casos na última semana.
- Viveiro, 29 casos, 3 menos.
- Xove, sen casos na última semana.
Terra Chá
- A Pastoriza sobe a 39 casos (3 máis).
- Abadín, menos de 10.
- As Pontes está por debaixo de 10.
- Begonte sobe a 20 (1 máis).
- Castro de Rei suma 1 ata 48.
- Cospeito volve subir ata 18 (5 máis).
- Friol suma 10 casos nunha xornada.
- Guitiriz segue con 10.
- Meira baixa de 10 casos.
- Muras, sen positivos dende hai máis de quince días.
- Outeiro de Rei continúa con 22 casos.
- Pol, por debaixo de 10.
- Rábade baixa 1 ata 14.
- Vilalba sobe a 37, 6 máis.
- Xermade, por debaixo de 10.
Comarca de Sarria
- Láncara, por debaixo dos 10 casos.
- O Incio, con menos de 10.
- O Páramo, sen casos novos na última semana.
- Paradela, por debaixo de 10.
- Samos, menos de 10 casos.
- Sarria reduce 2 ata 32.
- Triacastela, menos de 10 casos.
Centro da provincia
- A Fonsagrada, por debaixo dos 10 casos.
- Antas de Ulla, con menos de 10 casos.
- As Nogais, sen casos nos últimos quince días.
- Baralla sobe a 37, 2 máis.
- Baleira, sen casos novos na última semana.
- Becerreá segue con 11 casos.
- Castroverde, con menos de 10 casos.
- Cervantes, con menos de 10 casos.
- Guntín, sen casos en quince días.
- Lugo suma un caso máis ata 359.
- Monterroso suma 6 máis ata 27.
- Navia de Suarna, menos de 10 casos.
- Negueira de Muñiz, sen casos en quince días.
- O Corgo, menos de 10 casos.
- Palas de Rei, sobe ata 20 con 6 casos máis.
- Pedrafita leva unha semana sen casos.
- Portomarín, volve ter algún caso tras quince días limpo.
- Ribeira de Piquín leva unha semana sen casos.
Ribeira Sacra
- A Pobra de Brollón, por debaixo de 10 casos.
- Bóveda, por debaixo de 10.
- Carballedo, por debaixo de 10.
- Chantada suma 1 ata 38.
- Folgoso do Courel, por debaixo de 10.
- Monforte segue disparado. Son 223, 16 máis.
- O Saviñao sobe ata 21 (3 máis).
- Pantón, con menos de 10 casos.
- Quiroga sobe ata 11.
- Ribas de Sil, sen casos en quince días.
- Sober, menos de 10 casos.
- Taboada, por debaixo de 10.
AS RESTRICIÓNS
Na hostalería no nivel máximo mantense pechado o interior e as terrazas estarán ao 50%. No nivel alto o interior mantense en 30% e nas terrazas amplíase ao 75%. No nivel medio mantense o interior ao 50% e as terrazas amplíanse ao 100%. No nivel baixo amplíase ao 75% en interior e mantense ao 100% nas terrazas.
En canto ao lecer nocturno, no nivel máximo mantense pechado o interior e as terrazas ao 75%. No nivel alto mantense o interior pechado e as terrazas ao 75%. No nivel medio sitúase a 50% o interior e o 75% nas terrazas. No nivel baixo está ao 50% o interior e ao 100% en terrazas.