Caen de novos os contaxios novos a niveles mínimos

A covid continúa o seu descenso de casos cun baixo número de casos novos. Así, hoxe hai 322 casos activos, 21 menos que onte, cun rexistro de 4 novos positivos e 24 altas. Onte houbo un descenso de 13 casos activos, con 20 novos enfermos e 32 altas.

Ademais, dende que comezou a pandemia, no mes de marzo do pasado ano, hai 19.860 casos rexistrados e 247 persoas falecidas, 30 nesta quinta vaga.

A presión hospitalaria mellora na UCI. Hai 15 persoas ingresadas en tres hospitais (1 menos). Na UCI do Hula hai un paciente menos, 2 en total, e nas diferentes plantas son 13 os enfermos; 4 están no de Lugo, 1 na Mariña e 8 en Monforte.

Esta baixada de casos fixo que o comité clínico decidise ampliar os aforos nos distintos espazos. Como regra xeral, as capacidades dos locais permitidas serán do 50% nos concellos con  nivel máximo, e do 75% nos restantes niveis. Ademais non haberá límite de persoas, alén do que marque a distancia interpersoal de 1,5 metros.

MAPA DE RESTRICIÓNS

O sistema de alerta está establecido en 4 niveis do seguinte xeito:

• • En alerta máxima: Ningún.
  • En alerta alta: Ningún.
  • No nivel medio: Monforte.
  • No nivel baixo: o resto de concellos.

O próximo sábado Monforte sairá da zona de alerta e entrará Foz xunto co concello ourensán do Barco de Valdeorras, ambos os dous en zona media.

POR COMARCAS

Xornada de tránsito nesta progresión de baixada de casos que hoxe só rompe Foz, vila que pasará o sábado a estar en alerta media debido ao gromo escolar.

A Mariña

Centro da provincia

• A Fonsagrada, por debaixo de 10.
• Antas de Ulla xa leva unha semana limpo.
• As Nogais, sen casos nos últimos quince días.
• Baralla xa son quince días sen casos.
• Baleira leva sen casos quince días.
• Becerreá xa leva sen contaxios unha semana.
• Castroverde tamén suma unha semana limpo de covid.
• Cervantes xa leva quince días sen casos.
• Guntín, son xa quince días sen contaxios.
• Lugo baixa ata 36, 4 menos.
• Monterroso, por debaixo de 10.
• Navia de Suarna, sen casos novos en quince días.
• Negueira de Muñiz, sen casos en quince días.
• O Corgo leva quince días sen casos.
• Palas de Rei xa leva unha semana sen contaxios.
• Pedrafita leva quince días sen casos.
• Portomarín, unha semana limpo xa.
• Ribeira de Piquín leva xa quince días sen casos.

Ribeira Sacra

• A Pobra de Brollón xa está por debaixo de 10 casos.
• Bóveda leva xa quince días sen casos.
• Carballedo xa leva unha semana limpo.
• Chantada tamén está sen casos na última semana.
• Folgoso do Courel unha semana sen contaxios tamén.
• Monforte caen os contaxios a 75 (6 menos).
• O Saviñao suma unha semana limpo.
• Pantón, por debaixo de 10.
• Quiroga xa está por debaixo de 10.
• Ribas de Sil, unha semana sen casos.
• Sober xa volve levar unha semana sen contaxios.
• Taboada tamén sen casos na última semana.

AS RESTRICIÓNS

O plan de hostalería segura entrou en vigor. O DOG recolle o novo protocolo que indica que as barras poden usarse de forma individual ou cun máximo de dúas persoas por grupo sempre que sexan conviventes.

As barras dos bares abrirán nos establecementos situados no tipo 2 do novo modelo, que non depende da incidencia de casos covid do municipio, senón que ten que ver coas esixencias que se cumpran por parte dos locais.

Os locais de tipo uno terán as seguintes condicións e requisitos: interior ao 50%, exterior ao 75% de aforo; distancia de 1,5 metros entre mesas, exposición pública de aforos, medidor de CO2 con notificacións como máximo cada 4 horas; máscaras cirúrxicas para o persoal; e dúas horas de formación de protocolos covid para o persoal.

Pola súa banda, os locais do tipo dous, con maiores esixencias, deberán contar cun medidor de CO2 que faga anotacións constantes. Tamén deberán dispoñer de máscaras FFP2 para o persoal que o requira, deberán facerse probas diagnósticas cada sete ou oito días e haberá un rexistro de clientes nos restaurantes.

A estes, súmase un terceiro nivel, de seguridade, que só será de aplicación cando así o decidan as autoridades sanitarias en situacións extraordinarias pola gravidade da situación epidemiolóxica e a ocupación asistencial.

Especialmente, segundo recolle o DOG bis, incídese nas condicións de adecuada ventilación que velen pola calidade do aire interior, así como o establecemento dun plan de control e inspección autonómico, en colaboración coas entidades locais.

Entre outras cuestións, incide tamén en que deberá asegurarse que se mantén a debida distancia de seguridade interpersoal entre mesas ou, de ser o caso, agrupación de mesas, coas limitacións xa impostas ao número de persoas.

NOVAS AMPLIACIÓNS

Sanidade avanzou que a hostalaría verá ampliada a capacidade de atender en cada unha das súas mesas, de maneira que se poderán xuntar grupos de ata oito persoas en interiores e de 15 en exteriores, fronte ás seis e dez actuais.

Tamén eliminan a limitación de circulación nocurna ás 3 a madrugada.