A escalada da covid continúa con poucas altas, controlando a hospitalización pero sumando novos contaxios debido aos gromos entre os non vacinados.
Hoxe hai 369 casos activos, 33 máis que onte, cun rexistro de 38 novos positivos e 5 altas. Onte houbo 34 máis, con 47 novos contaxios e 13 altas.
Ademais, dende que comezou a pandemia, no mes de marzo do pasado ano, hai 20.430 casos rexistrados e 255 persoas falecidas, 38 na quinta vaga.
A presión hospitalaria redúcese ata as 5 persoas ingresadas (1 menos que onte). 4 están no Hula e 1 en Monforte e as UCI seguen baleiras.
O sistema de alerta está establecido en 4 niveis pero todos os concellos de Galicia están no nivel baixo e sen restricións. As autoridades anunciaron novos cambios nas restricións que pasan por esixir o certificado covid durante todo o día en restaurantes e nos bares a partir das 21.00 horas e na redución dos grupos.
POR COMARCAS
Seguen sumándose concellos con casos detectados. Agora mesmo son 26 os que seguen limpos de covid, un menos que onte. A expansión segue a facerse pero dentro dos concellos xa afectados.
A Mariña
- Viveiro segue con 14 casos.
- Por debaixo de 10: Foz, Ribadeo, Alfoz, Xove, Mondoñedo, O Valadouro, O Vicedo, Barreiros e A Pontenova.
- Unha semana sen casos: Burela.
- Máis de quince días limpos: Cervo, Lourenzá, Ourol, Riotorto e Trabada.
Terra Chá
- Vilalba continúa con 13 casos.
- Outeiro de Rei suma 1 máis ata 16.
- Por debaixo de 10 contaxios: Meira, Begonte, Friol, Castro de Rei, A Pastoriza, Xermade, As Pontes e Pol.
- Entre 1 semana e 15 días sen casos: Guitiriz.
- Máis de quince días limpos: Abadín, Cospeito, Muras, Rábade.
Comarca de Sarria
- Sarria continúa con 14 contaxios.
- Por debaixo de 10 contaxios: Paradela, O Páramo, Láncara e O Incio.
- Máis de quince días limpos Samos e Triacastela.
Centro da provincia
- Os casos en Lugo dispáranse. Xa son 172 (28 máis).
- Guntín volve ter casos.
- As Nogais sobe ate 12 positivos (1 máis).
- Por debaixo dos 10 casos: O Corgo, Antas, Baralla, Pedrafita, Portomarín e Castroverde.
- Palas cumpre unha semana sen contaxios.
- Máis de quince días limpo: A Fonsagrada, Baleira, Becerreá, Cervantes, Guntín, Monterroso, Navia de Suarna, Negueira de Muñiz e Ribeira de Piquín.
Ribeira Sacra
- Por debaixo de 10 contaxios: Carballedo, Folgoso do Courel, Monforte e A Pobra de Brollón. Únese Chantada.
- Máis de quince días limpo: Bóveda, O Saviñao, Pantón, Quiroga, Ribas de Sil, Sober e Taboada.
RESTRICIÓNS
Entran en marcha novas restricións para atallar o novo crecemento do virus.
- Amplíase a esixencia do certificado covid na hostalaría. Os restaurantes pedirano durante todo o día e os bares a partir das 21.00 horas. No ocio nocturno segue a ser obrigado independente do nivel de seguridade.
- As mesas en interiores quedan reducidas de 10 a 8 comensais e en exteriores de 20 a 15.
- Os venres e sábados os establecementos hostaleiros poden pechar á 1.30 horas. O resto de días o horario de peche está fixado para a 1.00 horas.
- No lecer nocturno. Os pubs poderán abrir os venres e sábados ata as 4.30 horas. O resto de días ata as 4.00 horas. As discotecas e salas de concertos poderán pechar ás 5.00 horas.
- A máscara seguirá sendo obrigatoria en espazos pechados e cando non se poida manter unha distancia de 1,5 m.
