A covid faise forte nos hospitais da provincia cun espectacular aumento dos casos entre os ingresados. Mentres esta sobe, as estatísticas que ofrece a Xunta no tocante á provincia de Lugo ofrecen bastante confusión dende que comezou a funcionar o novo sistema de rexistro.
Así, hoxe hai 6.620 casos activos, 255 máis que onte, con 273 novos contaxios e 255 altas. Onte os casos subiron en 309, con 365 novos contaxios e 272 altas.
Ademais, dende que comezou a pandemia, no mes de marzo do 2020, hai 29.867 casos rexistrados e 265 persoas falecidas, dez delas nesta sexta vaga.
A presión hospitalaria desbórdase. Na UCI do Hula seguen 5 ingresados , mentres en planta son 42 pacientes (11 máis), 26 no de Lugo (8 máis), 8 na Mariña (1 máis) e 8 en Monforte (2 máis).
POR COMARCAS
Lugo diminúe en novos contaxios, (34 máis, cando onte foron 53) e tamén suma Burela (22 máis). O resto que soben faino por debaixo de 10.
Muras é o único Concello limpo de covid mentres continúan sendo 8 os municipios por debaixo dos dez contaxiados.
A Mariña
- Alfoz: 11.
- A Pontenova: 29 (1 máis).
- Barreiros: 44 (3 máis).
- Burela: 321 (22 máis).
- Cervo: 62 (3 máis).
- Foz: 104 (1 máis).
- Lourenzá: 40.
- Mondoñedo: 37 (3 máis).
- O Valadouro: 19 (1 máis).
- O Vicedo: 13 (1 menos).
- Ourol: 19 (1 máis).
- Ribadeo: 130 (3 máis).
- Viveiro: 248 (2 máis).
- Xove: 36 (1 máis).
- Por debaixo de 10: Riotorto e Trabada.
Terra Chá
- Abadín: 24 contaxios (2 máis).
- A Pastoriza: 19 (3 menos).
- As Pontes: 178 (3 menos).
- Begonte: 51 (1 menos).
- Castro de Rei: 58 (3 menos).
- Cospeito: 59.
- Friol: 34 (1 menos).
- Guitiriz: 73.
- Meira: 14 (1 máis).
- Outeiro de Rei: 75 (2 menos).
- Pol: 10.
- Rábade: 37.
- Vilalba: 205 (12 menos).
- Xermade: 22.
- Máis de quince días limpo: Muras.
Comarca de Sarria
- Láncara: 63 enfermos.
- O Incio: 21.
- O Páramo: 19.
- Paradela: 16.
- Samos: 18 (1 menos).
- Sarria: 352 (6 máis).
- Triacastela: 10.
Centro da provincia
- A Fonsagrada: 58 positivos (3 máis).
- Antas de Ulla: 13.
- Baralla: 46.
- Becerreá: 48 (2 máis).
- Castroverde 32.
- Cervantes: 22.
- Guntín: 43 (4 máis).
- Lugo: 2.409 (34 máis).
- Monterroso: 57 (2 máis).
- Navia de Suarna: 12 (1 máis).
- O Corgo: 48 (2 menos).
- Palas de Rei: 41.
- Pedrafita: 13 (1 máis)
- Portomarín: 20.
- Por debaixo dos 10 casos: As Nogais, Baleira, Negueira de Muñiz e Ribeira de Piquín.
Ribeira Sacra
- A Pobra do Brollón: 13 enfermos.
- Carballedo: 13 (1 máis).
- Chantada: 130 (5 máis).
- Folgoso do Courel: 18.
- Monforte: 388 (8 máis).
- O Saviñao: 35 (2 máis).
- Pantón: 45.
- Quiroga: 42 (1 máis).
- Sober: 41 (2 máis).
- Taboada: 27 (3 menos).
- Por debaixo de 10 contaxios: Ribas de Sil e Bóveda.
RESTRICIÓNS
- A hostalería terá que pechar ás 00.00 horas todos os días desde a noite do 30 de decembro ao 18 de xaneiro, agás os venres e os sábados que poderá abrir ata a 1.00 horas.
- No lecer nocturno. Os pubs poderán abrir ata as 2.00 horas.
- Toque de non queda no que non será posible quedar con ningunha persoa entre as 2.00 e as 6.00 horas.
- Prohíbese o consumo en barra e vétanse os eventos musicais masivos.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 10 en exteriores.
- A cuarentenas de positivos asintomáticos serán de 7 días (en lugar de 10).
- Redución ao 75% dos aforos en competicións profesionais ao exterior e do 50% nos interiores.