O novo sistema de control do virus do Sergas vén de provocar un importante cambio nas cifras oficiais. A redución das corentenas a 7 días trouxo un espectacular aumento das altas que provocou á súa vez unha caída nos casos activos moi importante malia o aumento de novos contaxios.
Estes son case o dobre que na xornada de onte debido a que o Sergas inclúe nas cifras os resultados positivos nas probas de autodiagnóstico.
Esto sucede a mesma xornada na que se coñecen as novas restricións da covid, que pasan por reducir o toque de non queda ás noites da fin de semana (xoves, venres e sábado).
Así, hoxe hai 6.317 casos activos, 1.602 menos que onte, con 717 novos contaxios e 2403 altas. Onte os casos subiron en 625, con 410 novos contaxios e 248 altas.
Ademais, dende que comezou a pandemia, no mes de marzo do 2020, hai 32.116 casos rexistrados e 267 persoas falecidas, dez delas nesta sexta vaga.
A presión hospitalaria cae tamén. Na UCI do Hula baixan a 4 ingresados (1 menos), mentres en planta son 45 pacientes (6 menos), 28 no de Lugo (4 menos), 9 na Mariña (1 menos) e 8 en Monforte (1 menos).
POR COMARCAS
A provincia ofrece un panorama moi diferente con crecementos espectaculares en moitas localidades. Lugo encabeza a situación con 549 casos máis, pero lle seguen Sarria (117 contaxios máis), Viveiro (85), Ribadeo (66), Vilalba (69), Burela (61), Monforte (53), As Pontes (47), Guitiriz e Chantada (41), Foz (39). En todos os concellos agás en Sober o resultado fala de aumento, en moita maior medida que nos días precedentes.
Muras volve ser o único concello limpo de covid e por debaixo dos dez enfermos só quedan 3 (As Nogais, Negueira de Muñiz e Ribeira de Piquín).
A Mariña
- Alfoz: 13.
- A Pontenova: 50 (15 máis).
- Barreiros: 56 (7 máis).
- Burela: 390 (61 máis).
- Cervo: 90 (22 máis).
- Foz: 151 (39 máis).
- Lourenzá: 47 (4 máis).
- Mondoñedo: 52 (19 máis).
- O Valadouro: 47 (7 máis).
- O Vicedo: 11 (3 menos).
- Ourol: 24 (1 máis).
- Ribadeo: 208 (66 máis).
- Riotorto: 11.
- Trabada: menos de 10.
- Viveiro: 342 (85 máis).
- Xove: 63 (19 máis).
Terra Chá
- Abadín: 36 contaxios (9 máis).
- A Pastoriza: 39 (14 máis).
- As Pontes: 219 (47 máis).
- Begonte: 55 (1 máis).
- Castro de Rei: 72 (11 máis).
- Cospeito: 71 (11 máis).
- Friol: 45 (7 máis).
- Guitiriz: 135 (41 máis).
- Meira: 23 (7 máis).
- Outeiro de Rei: 86 (8 máis).
- Pol: 21 (9 máis).
- Rábade: 39 (7 máis).
- Vilalba: 279 (69 máis).
- Xermade: 28 (6 máis).
- Máis de quince días limpo: Muras.
Comarca de Sarria
- Láncara: 72 enfermos (8 máis).
- O Incio: 12 (8 máis).
- O Páramo: 24 (3 máis).
- Paradela: 22 (6 máis).
- Samos: 24 (5 máis).
- Sarria: 483 (117 máis).
- Triacastela: 13 (2 máis).
Centro da provincia
- A Fonsagrada: 64 positivos (5 máis).
- Antas de Ulla: 15 (3 máis).
- Baleira: 12.
- Baralla: 60 (8 máis).
- Becerreá: 43 (7 máis).
- Castroverde 34 (2 máis).
- Cervantes: 32 (7 máis).
- Guntín: 48 (2 máis).
- Lugo: 2.954 (549 máis).
- Monterroso: 74 (10 máis).
- Navia de Suarna: 14 (4 máis).
- O Corgo: 75 (27 máis).
- Palas de Rei: 41 (3 máis).
- Pedrafita: 14.
- Portomarín: 22 (2 máis).
- Por debaixo dos 10 casos: As Nogais, Negueira de Muñiz e Ribeira de Piquín.
Ribeira Sacra
- A Pobra do Brollón: 11 enfermos (1 máis).
- Bóveda: 14.
- Carballedo: 21 (7 máis).
- Chantada: 183 (41 máis).
- Folgoso do Courel: 22.
- Monforte: 407 (53 máis).
- O Saviñao: 37 (4 máis).
- Pantón: 45 (2 máis).
- Quiroga: 62 (17 máis).
- Ribas de Sil: 14.
- Sober: 37 (6 menos).
- Taboada: 36 (7 máis).
RESTRICIÓNS
- A hostalaría terá que pechar ás 00.00 horas todos os días, agás os venres e os sábados que poderá abrir ata a 1.00 horas.
- No lecer nocturno. Os pubs poderán abrir ata as 2.00 horas.
- Toque de non queda no que non será posible quedar con ningunha persoa entre as 3.00 e as 6.00 horas. Funcionará só as noites dos xoves, vneres e sábados.
- Prohíbese o consumo en barra e vétanse os eventos musicais masivos.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 10 en exteriores.
- A cuarentenas serán de 7 días (en lugar de 10).
- Redución ao 75% dos aforos en competicións profesionais ao exterior e do 50% nos interiores.