Reaxustes nalgúns horarios e grupos das escolas deportivas de Barreiros
O Concello de Barreiros completou o primeiro mes e reaxustou algúns horarios das escolas deportivas, así como desdobraron algúns dos grupos debido a gran demanda das actividades.
Dende o Concello tamén informaron das prazas libres nas que aínda se pode inscribir.
Así, quedan prazas en Cardio Hitt ps martes de 19.30 a 20.15 horas e en Zumba os martes de 20.30 a 21.30 horas ambos no pavillón de San Cosme, de Ximnasia de mantemento os mércores de 18.15 a 19.15 hora, Ioga os mércores de 20.30 a 21.30 horas e de Espalada saudable os xoves de 20.00 a 21.00 horas, todos no centro sociocultural de San Cosme.
As persoas interesadas en asistir deben formalizar a inscrición no rexistro xeral do Concello de Barreiros en horario de 8.30 a 14.30 horas ou ben a través da sede electrónica municipal.
