A Asociación Cultural Buxos Verdes de Vilalba organiza para o sábado 26 de novembro a súa festa de 20 aniversario no auditorio.
Esta cita dará comezo ás 10.00 horas e durante toda a mañá haberá obradoiros. Xa despois, ás 13.30 horas no restaurante Montero haberá unha sesión vermú e ás 15.00 horas será o xantar, ás 17.30 a foliada e pola noite, ás 20.00 horas, haberá un concerto seguido dun aperitivo.
“Un evento que queremos festexar de maneira especial, con toda a xente que dalgunha maneira deixou a súa pegada durante este percorrido no tempo. Encontros, recordos, sorpresas…e como non, moita festa!”, din desde a asociación.
