Unhas xornadas sobre adicción ás novas tecnoloxías terán lugar no Ceip Frei Luís de Granada
A Anpa do Ceip Frei Luís de Granada de Sarria e a dirección do centro organizan varias conferencias e talleres a través da Fundación Alar.
Esta iniciativa será desenvolvida por cursos para todo o alumnado, e terán como tema principal a adicción a novas tecnoloxías para todos os cursos.
Por outro lado, tamén terán lugar unhas xornadas de prevención contra o suicidio para o alumnado de 5° e 6° de primaria.
Todos os contidos están adaptados e estudados polos respectivos titores, e profesora-coordinadora de actividades extraescolares.
As charlas contan coa subvención da Xunta a través da Consellería de Sanidade e serán impartidas por profesionais da fundación Alar.
O primeiro obradoiro terá lugar o mércores, 3 de maio, ás 16.30 horas e consistirá nun taller de habilidades parentais: ’Adicción ás Novas Tecnoloxías e factores de risco diante da Conduta Suicida’.