O II Festival de Habaneira e Polifonía de Vegadeo busca cartel anunciador
A Asociación Musical Entre Ríos de Vegadeo, convoca un concurso para a creación do cartel que será a imaxe do II Festival de Habaneira e Polifonía de Vegadeo.
O concurso ten como fin estimular a creatividade de artistas e deseñadores, así como fomentar a difusión da imaxe do festival a nivel nacional e internacional.
Poderán participar autores de calquera nacionalidade e establécese un premio dotado con 300 euros. O último día de presentación será o 11 de xuño de 2023.
O tema fará referencia ao Certame musical e a súa temática deste ano Habaneiras e ultramar, e terán que figurar os textos II Festival de Habaneira e Polifonía de Vegadeo, 13 de agosto de 2023.
Só se admitirán a este concurso obras inéditas e que non fosen presentadas a outros concursos. No caso de que se utilizasen imaxes ou plaxios de imaxes doutros autores ou institucións, o autor será o único responsable ante calquera incidencia que por estes motivos chegase a producirse, quedando retirada a obra de inmediato.
O cartel premiado polo xurado será a imaxe do Festival en todos os soportes. Os participantes deberán mandar o sobre por correo certificado á dirección Asociación musical Entre Ríos, avenida de Asturias, 34, 33770 Vegadeo.