O Ensino comeza a vindeira semana os partidos de preparación de tempada

O Club de Baloncesto Durán Maquinaria Ensino dará comezo a vindeira semana aos partidos amistosos que servirán de preparación para a vindeira tempada.

O Club de Baloncesto Durán Maquinaria Ensino dará comezo a vindeira semana aos partidos amistosos que servirán de preparación para a vindeira tempada. 

O día 23 de agosto o equipo lucense desprazarase a Burela para xogar ás 20.00 un partido contra Baxi Ferrol e o 28 será en Foz, ás 18.00, onde se medirá ao equipo de Bembibre. 

Xa en setembro xogarán o Torneo de Ribadeo onde o día 1 ás 20.00 o partido será contra Araski e o 3 de setembro ás 12.30 contra Perfumerías Avenida. 

O 6 de setembro volverán a xogar contra Bembibre, ás 18.00, esta vez como visitantes e o 9 de setembro en Lugo mediranse ao Sport Lisboa e Benfica nun partido no Pazo dos Deportes. 

As de Lugo viaxarán a Salamanca o 13 de setembro para volver a xogar contra Perfumerías Avenida ás 18.00 e o 16 de setembro en Guitiriz competirán contra o Celta Zorla Recalvi. 

Para finalizar o Ensino xogará a Copa Galicia que dará comezo o 29 de setembro xa coa tempada comezada, que o día 23 de setembro será o inicio da primeira volta.