A ITV agrícola estará en Foz o día 24 de outubro

A unidade móbil da Inspección Técnica de vehículos agrícolas desprazarase ao Concello de Foz no mes de outubro.

tractor

A unidade móbil de inspección técnica de vehículos agrícolas estará en Foz o 24 de outubro. A estación itinerante estará na área recreativa de Ferreira Vella en San Martiño en horario de de 9.00 a 13.30 horas e poderase pedir cita previa dende o 24 de setembro.

Para solicitar cita previa hai que chamar ao teléfono 902 309 000 ou a través da web www.sycitv.com. A organización lembra que no se pasará inspección a vehículos con carga nin a vehículos con apeiros.