Foz acollerá o sábado o concerto 'O son que me arrola' a cargo da Asociación socio-educativa Antonio Gandoy
Foz acollerá o vindeiro sábado 30 de outubro o concerto O son que me arrola a cargo da Asociación socio-educativa Antonio Gandoy. Será na sala Bahía ñas 11.00 horas para nenos de 6 a 24 meses, e ás 12.30 para os de 2 a 6 anos.
Ademais presentarán o proxecto Os Espazos das Familias, un lugar e tempo de encontro para a formación parental de familias con pícaros e pícaras de 0 a 6 anos, e futuras familias. Trataremos de dar resposta ás diferentes necesidades relacionadas coa crianza.
Os profesionais da Asociación Socio-educativa Antonio Gandoy (mestres, pedagogos e psicólogos con ampla traxectoria educativa en Preescolar na Casa) deseñan actividades dirixidas a reforzar as competencias parentais, así como a dar resposta ás diferentes necesidades das nenas e dos nenos.