Julia Fernández participou da Galicia Junior Cup da Federación Galega de Golf que tivo lugar en Sarria
Este domingo, 88 nenos e nenas de todas as provincias de Galicia participaron na Galicia Junior Cup da Federación Galega de Golf en Sarria, representando a 14 escolas de golf galegas.
![Golf Sarria Junior](https://sarriaxa.com/wp-content/uploads/2023/09/Golf-Sarria-Junior.jpg)
Este domingo, 88 nenos e nenas de todas as provincias de Galicia participaron na Galicia Junior Cup da Federación Galega de Golf en Sarria, representando a 14 escolas de golf galegas. Durante o evento, xuntáronse, entre xogadores e familiares, máis de 200 persoas.
De Sarria participou, entre outros, Julia Fernández, de 8 anos, que empatou no primeiro posto da súa categoría (cativos feminina) con Celia González e Martina Botana.
A escola que obtivo os mellores resultados foi a do Real Aeroclub de Santiago, cunha puntuación total de 156 puntos, seguida da do Ría de Vigo, con 130 puntos e da de Barbanza Pitch&Putt, con 115 puntos.
Con respecto aos campións e campioas, en cativos masculina o campión foi Jaime Fernández e o subcampión foi Marc Montero; mentres que en benxamín feminina a campioa foi Daniela Borrageiros e a subcampioa Mariana Agrasar e en benxamín masculino foi campión Mateo Botana e subcampión Álvaro Sánchez.
Por outra banda, en alevín feminina foi campioa Carmen Miguel e subcampioa Pomba Arufe e no masculino foi campión Pedro Mouriño e subcampión Carlos Domínguez. Por último, en infantil feminina foi campioa Sabela Campos e subcampioa María Fernández, mentres que en infantil masculino foi campión Iago Pereira e subcampión Ramón Álvarez.