O PP propón personalizar as lonas que tapan os negocios afectados polas obras

O Partido Popular presenta unha proposta para contribuír a minimizar o impacto dos prexuízos das obras do casco histórico no comercio local solicitando que “as lonas escuras que cobren as vallas que colocaron as empresas construtoras, e que ocultan os negocios, se personalicen cos logotipos ou imaxes corporativas dos establecementos afectados”.

O Partido Popular presenta unha proposta para contribuír a minimizar o impacto dos prexuízos das obras do casco histórico no comercio local solicitando que “as lonas escuras que cobren as vallas que colocaron as empresas construtoras, e que ocultan os negocios, se personalicen cos logotipos ou imaxes corporativas dos establecementos afectados”.

Os populares urxen para que o Concello facilite estas lonas decorativas en rúas como a do Gran Teatro onde se están levando a cabo os traballos de peonalización “estes elementos fan de pantalla desincentivando a entrada nos establecementos e os comerciantes están preocupados porque empeza a campaña de Nadal, unha das máis importantes do ano e temen unha baixada da facturación”.

No rogo que os populares presentan a comisión indican que “se poña a disposición dos establecementos afectados a substitución das lonas opacas por outras impresas cos logotipos e/ou a imaxe corporativa dos locais que quedan ocultos por mor das obras de peonalización do casco histórico”.

“Con esta proposta se melloraría a visibilidade dos negocios xa que se lles identificaría de forma máis doada e ademais se melloraría a estética da contorna urbana da zona”, afirman.