Adif suprimirá cinco pasos a nivel en Sarria para mellorar as condicións de seguridade

Adif suprimirá sete pasos a nivel na liña convencional Ourense-Monforte de Lemos-Lugo, cinco deles no municipio de Sarria e dous en Ourense, cun investimento de 7 millóns de euros.

Adif suprimirá sete pasos a nivel na liña convencional Ourense-Monforte de Lemos-Lugo, cinco deles no municipio de Sarria e dous en Ourense, cun investimento de 7 millóns de euros.

No caso de Sarria, a solución licitada consiste na construción de dous pasos superiores e un paso inferior, así como a reordenación dos camiños. Un dos pasos superiores de 117 metros situarase na contorna dos actuais pasos a nivel, na zona do apartadero de Oural, e dará acceso a unha cementeira, un camiño de servizo e as rúas Rua Budueira e Rua Agra. A calzada contará con dous carrís para vehículos, dúas beiravías e dúas beirarrúas para peóns.

O outro paso superior dará acceso ás leiras da contorna e contará cunha calzada dun carril e dúas beirarrúas; así mesmo, melloraranse varios tramos de camiños.

As actuacións complétanse coa construción dun paso inferior (3 m de anchura), mediante caixón de formigón armado empuxado baixo a vía. Trátase dun paso privado, non aberto ao tráfico rodado, que terá uso principalmente gandeiro e dará acceso ás leiras lindeiras.

As solucións mellorarán a permeabilidade transversal nestas localidades e incrementarán as condicións de seguridade para a mobilidade dos peóns e os tráficos ferroviarios e viarios.