O concello de Xermade celebra este sábado, 20 de abril, a súa Comida Popular, que está organizada pola comisión de festas de Xermade deste ano no polideportivo municipal. Comezará ás 14:00 horas coa sesión vermú amenizada co dúo Caramelo, para a continuación dar paso ao gran xantar popular.
Despois do xantar terá lugar a Festa da Xuventude co mesmo dúo. O menú da festa consta de paella, tenreira asada e sobremesa, ademais de pan, viño, refrescos, auga, café e chupito. Terá un prezo de 30 euros para os adultos, 15 para os nenos de entre 6 e 12 anos e gratis para os máis cativos.
Para apuntarse haberá que mercar os tiquets, ata o 16 de abril, no bar Casal, bar O Pita, restaurante O Paso e bar Boucello.
Completará a festa un sorteo de agasallos e tamén inchables para os pequenos.
Os que desexen apuntarse poden facelo cos membros da comisión.
