Lugo dá visiblidade á enfermidade de Dent
O tenente alcalde, Rubén Arroxo, e a edil de Participación, Cristina López, xunto con integrantes da Asociación Galega da Enfermidade de Dent presentaron o bus urbano que dará visibilidade á asociación e servirá para concienciar sobre a importancia da investigación nesta enfermidade.
O tenente alcalde, Rubén Arroxo, e a edil de Participación, Cristina López, xunto con integrantes da Asociación Galega da Enfermidade de Dent presentaron o bus urbano que dará visibilidade á asociación e servirá para concienciar sobre a importancia da investigación nesta enfermidade. Rubén Arroxo agradeceu ás e aos integrantes da Asociación "que decidisen volver colaborar con Lugo", e destacou o mural realizado na rúa San Roque pola Asociación Galega da Enfermidade de Dent, dentro da iniciativa ARt For Dent.
A Asociación Galega da Enfermidade de Dent foi creada por 4 familias galegas, de Lugo, Muros, Brión e Pontevedra afectadas por esta enfermidade. O proxecto Art For Dent naceu a comezos do ano 2020, e pretende abrir unha nova vía de colaboración e financiación desde Galiza para investigar a enfermidade de Dent, ademais de darlle visibilidade a esta enfermidade rara. Trátase dunha enfermidade rara de orixe xenética. Afecta ao túbulo renal, producindo distintas complicacións que poden chegar a afectar aos osos, podendo chegar a producir raquitismo entre outras enfermidades.