Reforzan o servizo de bus urbano en Lugo de cara á proba do mundial de Motocrós

De cara á proba do mundial de motocrós que se celebrará esta fin de semana na cidade o Goberno de Lugo poñerá a disposición da veciñanza buses lanzadeira "para chegar ao circuíto evitando utilizar o vehículo privado, facilitando a mobilidade de todas e todos os asistentes", afirmou Rubén Arroxo.

De cara á proba do mundial de motocrós que se celebrará esta fin de semana na cidade o Goberno de Lugo poñerá a disposición da veciñanza buses lanzadeira "para chegar ao circuíto evitando utilizar o vehículo privado, facilitando a mobilidade de todas e todos os asistentes", afirmou Rubén Arroxo.

Os buses lanzadeira partirán desde o polígono das Gándaras, fronte ao Decathlon, e chegarán ata o circuíto en horario de mañá e tarde os dous días de competicións, o sábado 11 entre as 8 a 12 e pola tarde de 15:30 a 18:45, e o domingo 12, entre as 9 e as 12 e pola tarde de 15:30 a 18:45.

Arroxo animou a usar o bus "para desfrutar deste evento que coloca a Lugo no mapa deportivo internacional esta fin de semana" e lembrou que "utilizando a tarxeta cidadá poderase desfrutar dun desconto de ata o 50 % do billete".