A Oficina Móbil do programa Acelera PEME, que se instalou na Praza da Compañía de Monforte, foi visitada polo alcalde

José Tomé Roca visitou a Oficina Móbil correspondente ao programa Acelera PEME de dito organismo provincial, que se instalou na Praza da Compañía, diante das Casitas.

José Tomé Roca visitou a Oficina Móbil correspondente ao programa Acelera PEME de dito organismo provincial, que se instalou na Praza da Compañía, diante das Casitas.

Na súa visita, puido comprobar de primeira man o traballo dos técnicos encargados de asesorar a autónomos ou propietarios dunha PEME que precisen impulsar a dixitalización do seu negocio.

Nesta Oficina Móbil Acelera PEME proporcionaráselles asesoramento dos dinamizadores dixitais, podendo programar as citas presenciais ou telemáticas que precisen para unha consulta individualizada.

Esta é unha iniciativa posta en marcha dende a Deputación de Lugo o pasado 13 de setembro para reforzar o asesoramento gratuíto en materia de transformación dixital que vén ofrecendo a institución provincial a empresas e autónomos da provincia a través deste proxecto, que impulsa en colaboración co Goberno do Estado.

Este vehículo aliméntase de placas solares para a subministración da enerxía necesaria para o funcionamento dos equipos informáticos e da iluminación. Así mesmo, cóntase cun sistema de reciclado da auga de lavado, o que contribúe á reciclaxe do 100% da auga que usa e á redución ata nun 94 % da presenza de hidrocarburos.

“Esta modalidade de asesoramento que visitamos permitiranos chegar mellor ao noso rural e apoiar máis de preto aos proxectos empresariais cunha atención personalizada”, subliñou o mandatario municipal e provincial.

Coa oficina móbil, a Deputación reforza a actividade que xa se vén desenvolvendo no marco deste proxecto co traballo de 7 axentes dixitais que se moven polas diferentes comarcas e coas oficinas abertas nos concellos de Viveiro, Lugo, A Fonsagrada, Láncara, Monforte e Vilalba.

Neses encontros coas empresas estudan a situación da que parte cada unha delas e buscan ferramentas que encaixen coa súa actividade para beneficiar o seu volume de negocio. Por exemplo, axúdanlles a crear redes sociais e impulsalas para que teñan máis seguidores, tamén á posta en marcha de Whatsapp Business para que interactúen coa súa clientela ou implantan solucións dixitais específicas do seu sector que son moi útiles para os negocios.