Dá por comezada a IV edición das Xornadas Pacegas no Pazo de Tor de Monforte

O Pazo de Tor, en Monforte, acolle xa a cuarta edición das Xornadas Pacegas, centradas nas Revoltas Irmandiñas, que comezaron no día de onte e seguirán no día de hoxe.

O Pazo de Tor, en Monforte, acolle xa a cuarta edición das Xornadas Pacegas, centradas nas Revoltas Irmandiñas, que comezaron no día de onte e seguirán no día de hoxe.

As consecuencias das revoltas sobre as torres e casas forte, como edificios de poder, a participación da Igrexa ou o papel das mulleres ante as revoltas, así como o nacemento dos pazos e casas señorais na etapa posterior, foron algúns dos temas sobre a mesa nesta primeira xornada, con intervencións dos historiadores Xosé Manuel Sánchez Sánchez (USC), Francisco Javier Pérez Rodríguez (USC), Miguel García Fernández (Instituto de Estudios Galegos Padre Sarmiento-CSIC) e Pablo Otero Piñeyro Maseda (Instituto de Estudios Galegos Padre Sarmiento-CSIC).

A xornada concluíu cunha ponencia de Simón Vicente López, historiador da arte e persoal da Rede Museística Provincial, sobre a escultura de cabaleiro medieval
recentemente incorporada ao Museo Pazo de Tor.

O encontro continúa con ponencias centradas na iconografía funeraria baixomedieval.