Xa está aberto o prazo para apuntarse ás clases da Escola de Música de Taboada do vindeiro curso

A Escola de Música de Taboada xa está preparando o Curso 2024-2025, polo que abriron o prazo para reservar praza na escola, que se manterá aberto ata o vindeiro 20 de maio a través

A Escola de Música de Taboada xa está preparando o Curso 2024-2025, polo que abriron o prazo para reservar praza na escola, que se manterá aberto ata o vindeiro 20 de maio a través dun formulario ou de maneira presencial os luns e os martes, en horario de 16.00 a 19.00 horas no Cuartel Vello.

Desde a Escola lembran que é importante apuntarse canto antes, xa que a elección do horario das clases realizarase por orde de matriculación, é dicir, os primeiros alumnos matriculados terán máis alternativas de horario para escoller.

Cada materia na que se matricule o alumno ten un custo de 30 euros, pero o prezo de cada materia colectiva é de 25 euros ao mes, mentres que o prezo de cada materia de instrumento é de 30 euros ao mes.

As actividades ás que se poderán apuntar as persoas interesadas serán individuais e colectivas. Así, as individuais serán canto, gaita, clarinete, frauta, saxofón, tombón, trompa, trompeta, tuba, baixo eléctrico, guitarra clásica, ukelele, violín, acordeón, piano, batería, percusión clásica, percusión latina e percusión tradicional. Pola súa parte, as colectivas serán baller, banda de música, batukada, combo, danza moderna, danza rexional, linguaxe musica, música e movemento e pandeireta.