As Pontes acometerá a mellora da rúa Rego do Muíño
O Concello das Pontes investirá 179.
O Concello das Pontes investirá 179.465,80 €, provenientes da Deputación da Coruña, nas obras de mellora da beirrrúa e servizos na marxe dereita da Rúa Rego do Muíño.
O obxectivo deste proxecto é a renovación dos servizos urbanos de saneamento e alumeado así como a renovación do pavimento e, entre os traballos previsto, inclúese a demolición do pavimento actual de baldosas hidráulicas e colocación doutro de características similares ás das intervencións realizadas recentemente en rúas da contorna.
Por outra banda, para garantir a accesibilidade universal, tamén se proxecta a supresión daqueles elementos e cambios de nivel que supoñen unha barreira no desprazamento das persoas con problemas de mobilidade.
Así mesmo procederase á renovarase a rede de saneamento, desdobrándoa nun sistema de rede separativa de pluviais e residuais e mellorarase a rede de alumeado público, mediante a substitución do tendido existente por un sistema acorde coas actuais esixencias en materia de aforro enerxético.
As obras rematarán con instalación de mobiliario urbano.