Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Os casos activos continúan baixando este luns grazas ás altas e que baixaron os novos contaxios, aínda que subiu a hospitalización na UCI. Así, hoxe hai 1.914 casos activos, o que supón 101 menos que onte. Esta cifra obtense polos 74 novos enfermos que sumaron en 24 horas e as 175 altas.
Ademais, dende que comezou a pandemia, no mes de marzo do pasado ano, hai 17.230 casos rexistrados e 223 persoas falecidas, seis nesta quinta vaga.
A presión hospitalaria segue subindo. Hai 37 persoas ingresadas (3 máis) nos catro hospitais. Na UCI do Hula continúan 8 e nas diferentes plantas son 37 os enfermos (4 máis); 26 están no de Lugo (3 máis), 6 na Mariña (os mesmos), 4 en Monforte (os mesmos) e 1 no Polusa (o mesmo).
CAMBIO DE RESTRICIÓNS
O sistema de alerta queda do seguinte xeito:
- En alerta máxima: Burela, Foz, Viveiro e Monterroso.
- En alerta alta: Lugo, Chantada, Monforte, Cervo, Ribadeo, Xove e Palas de Rei.
- No nivel medio están Sarria, Vilalba, Mondoñedo, Barreiros, Cospeito, Outeiro de Rei e As Pontes
POR COMARCAS
Aínda que subiu a hospitalización a tendencia á baixa de casos segue un día máis, así pode verse en todas as comarcas nas que destaca a de Sarria que segue manténdose igual que estes días. Na Mariña tamén destaca a baixada nos catro grandes concellos como son Burela, Foz, Ribadeo e Viveiro, así como en Lugo e Monterroso.
A Mariña
- A Pontenova con menos de 10.
- Alfoz sobe 1 máis ata 24 casos.
- Barreiros baixa a 12.
- Burela 91, 18 menos que onte.
- Cervo baixa a 21, 2 casos menos.
- Foz 76 casos, 7 casos menos.
- Lourenzá leva unha semana sen casos.
- Mondoñedo, sobe 1 caso ata 13.
- O Valadouro baixa a 14 (1 menos).
- O Vicedo menos de 10.
- Ourol con menos de dez.
- Ribadeo, baixa aos 43 casos, 3menos.
- Riotorto menos de 10.
- Trabada sen casos en quince días.
- Viveiro: 142 casos, 13 menos.
- Xove: sobe 1 caso ata 27 casos.
Terra Chá
- A Pastoriza, menos de 10.
- Abadín, menos de 10.
- As Pontes baixa a 30 (3 menos).
- Begonte, menos de 10.
- Castro de Rei segue en 16 casos.
- Cospeito sobe 2 casos ata 25.
- Friol menos de 10.
- Guitiriz baixa a 16.
- Meira, segue en 11.
- Muras, sen positivos dende hai máis de quince días.
- Outeiro de Rei segue en 36.
- Pol sen positivos dende hai máis de quince días.
- Rábade, menos de 10.
- Vilalba, que baixa a 54 casos (2 menos).
- Xermade, menos de 10.
Comarca de Sarria
- Láncara, menos de 10 casos.
- O Incio, menos de 10 casos.
- O Páramo, menos de 10 casos.
- Paradela, menos de 10 casos.
- Samos sen casos nunha semana.
- Sarria mántense en 51 positivos.
- Triacastela está sen casos dende hai 15 días.
Centro da provincia
- A Fonsagrada mántense en 17.
- Antas de Ulla menos de 10.
- As Nogais está sen casos na última semana.
- Baralla, sen casos os últimos quince días.
- Baleira, con menos de 10 casos.
- Becerreá, con menos de 10 casos.
- Castroverde, con 10 casos.
- Cervantes, sen casos nos últimos quince días.
- Guntín segue con 10 casos.
- Lugo seguen baixando. Son 623 (20 menos).
- Monterroso baixa a 22 casos (9 menos).
- Navia de Suarna, menos de 10 casos.
- Negueira de Muñiz sen casos na última semana.
- O Corgo baixa 4 casos ata 10.
- Palas baixa a 29.
- Pedrafita, sen casos na última semana.
- Portomarín, con menos de 10 casos.
- Ribeira de Piquín, sen novos casos nunha semana.
Ribeira Sacra
- Monforte sobe 1 caso ata 74.
- Chantada sobe 2 casos a 41..
- Quiroga segue en 15.
- Sober, menos de 10.
- A Pobra de Brollón segue con 16.
- Carballedo menos de 10 casos.
- O Saviñao menos de 10 casos.
- Bóveda menos de 10 casos.
- Taboada segue en 14 casos.
- Pantón, sen novos casos nunha semana.
- Ribas de Sil, sen casos en quince días.
- Folgoso do Courel leva unha semana limpo.
AS RESTRICIÓNS
Nas zonas de nivel máximo poderán entrar nestes locais aqueles que teñan certificado de vacinación completa, que pasaran a enfermidade ou teñan un test negativo. Os aforos están no 30% en interior e no 50% en exterior e os horarios manteranse como ata o de agora, con peche ás 1.00 horas.
Nas zonas de nivel alto, o aforo será do 50% en interior e exterior e esixirase os mesmos documentos para entrar. O ocio nocturno permanecerá pechado nos 36 concellos en alerta máxima.
Por último, en nivel medio os aforos tamén estarán limitados ao 50% en interior e exterior, e en nivel medio baixo, ao 50% en interior e 100% en exterior. Nestes casos non será necesario presentar a acreditación obrigatoria dos niveis máis altos de restricións.
Para o ocio nocturno, que pode seguir aberto, as restricións serán as mesmas que ata o de agora, presentar probas, rexistro de clientes e medidor de CO2.
En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.
Non haberá peche perimetral en ningún dos concellos.
