Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
A provincia de Lugo continúa controlando a expansión do virus cun novo aumento de casos, pero pequeno e un esperado descenso da hospitalización, que aumentou moito nos últimos días. Así, este martes hai 226 casos activos, 4 máis, cando na xornada anterior o aumento foi de 1.
Diagnosticaron nas últimas 24 horas 12 casos novos (onte foron 8). As altas chegaron ás 11.134, 9 en 24 horas, o día anterior foron 8.
Dende que comezou a pandemia, no mes de marzo do pasado ano, hai 12.579 casos rexistrados e 214 persoas falecidas.
Respecto á presión hospitalaria, comeza a aliviarse tras tres días de subida. Na UCI segue 1 persoa ingresada pero en planta hai dous menos e ahora son 7. 3 están no Hula (3 menos) e 4 Monforte (1 máis).
O sistema de alerta, que está establecido en 4 niveis, mantense con tres concellos con restricións:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500. A Pastoriza.
- Media. Para incidencia de 150 a 250. Meira e Chantada.
- Baixa. Por debaixo de 150. O resto da provincia.
POR COMARCAS
A situación nos tres concellos en alerta progresa de forma diferente, A Pastoriza contén o virus, Meira suma unha semana sen covid e Chantada segue sumando positivos.
A Mariña
- Incidencia leve en Viveiro, Alfoz, Burela e Foz.
- Sen casos novos máis de 15 días están Ourol, O Valadouro, A Pontenova, Riotorto, O Vicedo, Xove, Barreiros e Mondoñedo.
- Sen casos novos na última semana están Cervo, Trabada e Lourenzá. Únese Ribadeo.
Terra Chá
- A Pastoriza, en alerta alta, reduce a súa incidencia.
- Vilalba chega aos 10 casos pero con valores baixos.
- Guitiriz, Xermade e Cospeito teñen tamén casos, por debaixo de dez, pero con incidencia leve.
- Meira, que segue en alerta media, leva xa unha semana sen contaxios.
- Outeiro de Rei , Castro de Rei e Pol están sen casos en 7 días. Únese Friol.
- Sen positivos dende hai máis de quince días están: Abadín, Muras, Begonte, Rábade e a veciña As Pontes.
Centro da provincia
- Os casos en Lugo seguen baixando. Son 80 (3 menos).
- A Fonsagrada, Palas e O Corgo teñen casos pero con baixa incidencia.
- Leva unha semana sen casos Becerreá. Únese Cervantes.
- Limpos de covid nos últimos quince días están: Negueira de Muñiz, Navia, Portomarín, Baleira, Guntín, Antas de Ulla, Monterroso, Castroverde, Pedrafita, As Nogais, Baralla e Ribeira de Piquín.
Comarca de Sarria
- Láncara e O Páramo teñen casos pero con baixa incidencia.
- Sarria leva xa unha semana sen novos contaxios.
- Triacastela, O Incio, Samos e Paradela seguen limpos de covid dende fai dúas semanas polo menos.
Ribeira Sacra
- Carballedo, Folgoso e Taboada teñen casos pero con incidencia leve.
- Pantón ten elevada a incidencia pero non chega aos dez casos.
- Chantada suma un caso máis e queda en 29, e segue en alerta media.
- Monforte leva limpo unha semana.
- Sen casos en máis de quince días: Ribas de Sil, Taboada, Bóveda, O Saviñao, Sober, A Pobra de Brollón e Quiroga.
