A covid desbórdase dobrando os novos contaxios

Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.

A provincia de Lugo está a sofrir unha explosión de novos contaxios e conta co virus extendido por toda a poboación e só con tres concellos limpos na última semana. Aumenta tamén a hospitalización.

Hoxe hai 3.149 casos activos, 551 máis que onte e 620 casos novos e 68 altas. Onte houbo 309 casos activos máis, con 163 novos contaxios e 77 altas.

Ademais, dende que comezou a pandemia, no mes de marzo do pasado ano, hai 24.577 casos rexistrados e 259 persoas falecidas, catro delas nesta sexta vaga.

A presión hospitalaria sobe en 3 enfermos. Na UCI do Hula seguen 5 ingresados, mentres en planta son 15 pacientes, 12 no de Lugo (3 máis), 2 na Mariña (1 máis) e 1 en Monforte (1 menos).

POR COMARCAS

O crecemento da covid xa é espectacular e incontrolable con aumento de casos en practicamente todos os concellos.

A Mariña

Centro da provincia

• A Fonsagrada: 18 positivos. (8 máis)
• Baralla: 18 (6 máis).
• Becerreá: 21 (2 máis).
• Castroverde 30. (1 máis)
• Guntín: 20. (2 máis)
• Lugo: 1.197. (196 máis)
• Monterroso: 32. (8 máis)
• O Corgo: 33. (2 máis)
• Palas de Rei: 17. (4 menos)
• Portomarín: 12.
• Por debaixo dos 10 casos: Baleira, As Nogais, Cervantes, Pedrafita, Navia de Suarna, Negueira de Muñiz e Antas de Ulla.
• Máis de quince días limpo: Ribeira de Piquín

Ribeira Sacra

• A Pobra do Brollón: 11 (1 máis).
• Bóveda: 11 enfermos.
• Chantada: 72 (6 máis).
• Monforte: 266 (35 máis).
• O Saviñao: 36 (9 máis).
• Pantón: 24 (3 máis).
• Quiroga: 40 (6 máis).
• Sober: 24 (9 máis).
• Taboada: 22.
• Por debaixo de 10 contaxios: Ribas de Sil, Folgoso do Courel e Carballedo.

RESTRICIÓNS

Entran en marcha novas restricións para atallar o novo crecemento do virus, será a partir do día 30 ás 00.00 horas e ata o 18 de xaneiro.

• A hostalería terá que pechar ás 00.00 horas todos os días desde a noite do 30 de decembro ao 18 de xaneiro, e excepto os venres e os sábados que poderá abrir ata a 1.00 horas.
• No lecer nocturno. Os pubs poderán abrir ata as 2.00 horas, e a Noitevella ata a 1.00 horas.
• Toque de non queda no que non será posible quedar con ningunha persoa entre as 2.00 e as 6.00 horas (Está pendente da autorización do TSXG).
• Prohíbese o consumo en barra e vétanse os eventos musicais masivos.
• Durante a Noitevella os bares e restaurantes pecharán á 1.00 e non poderán volver abrir ata as 10.00 do 1 de xaneiro. Para o lecer nocturno barállanse dous escenarios: abrir ata as 3.00 ou directamente manter pechado se non o ve viable.
• A máscara seguirá sendo obrigatoria en espazos pechados e cando non se poida manter unha distancia de 1,5 m.
• Mantense a esixencia do certificado covid na hostalaría.
• Segue sendo obrigatorio o uso de máscaras en exterior agás para a práctica deportiva individual e en espazos naturais con distancia de seguridade. Así como presentar o certificado COVID en residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
• As mesas en interiores quedan reducidas a 8 comensais en interior e 10 en exteriores.
• A cuarentenas de positivos asintomáticos serán de 7 días (en lugar de 10).
• Redución ao 75% dos aforos en competicións profesionais ao exterior e do 50% nos interiores.