Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
A covid segue crecendo de forma desproporcionada e suma un total de 134 casos activos máis en 24 horas chegando a acadar xa os 1.498. Esta cifra obtense por 186 novos contaxios que sumaron neste tempo e as 52 altas.
Na xornada de onte foi de 123 o aumento de casos activos, con 174 novos positivos e 51 altas.
Ademais, dende que comezou a pandemia, no mes de marzo do pasado ano, hai 14.970 casos rexistrados e 217 persoas falecidas.
A presión hospitalaria mantense en 19 persoas ingresadas (4 máis). No Hula hai 11 en planta (3 máis) e 1 na UCI; 6 na Mariña (1 máis) e 1 en Monforte.
POR COMARCAS
A covid segue atacando e todas as zonas, principalmente nas máis poboadas e con unha incidencia virulenta na Mariña.
A Mariña
- Viveiro dispárase a 155 casos (17 máis), Cervo suma xa 31 casos (1 máis), Burela 104 (17 máis), Foz 91 (11 máis), Ribadeo 61 (8 máis), Mondoñedo 20 casos (2 máis) e Barreiros (11 máis), todos en valores de alerta alta ou máxima. Únese Lourenzá, que chega a 10 casos.
- Ourol, O Valadouro, O Vicedo e Alfoz con menos de dez casos, tamén teñen a incidencia moi alta.
- Con algún caso activo e incidencia baixa están Trabada e Xove.
- Riotorto e A Pontenova levan unha semana sen casos.
Terra Chá
- Vilalba chega a 45 casos (5 máis) e coa incidencia preto de valores de alerta.
- Outeiro de Rei eleva a incidencia ao chegar a 10 casos. Os mesmos de Rábade, este en alerta moi alta.
- Castro de Rei e Meira xa están por debaixo dos dez casos e A Pastoriza mantén 10 aínda que baixa a incidencia nos tres.
- Abadín ten menos de 10 pero mantén a incidencia alta.
- As Pontes ten 24 casos (6 máis) e está en zona de risco.
- Guitiriz, Friol, Pol, Begonte e Cospeito teñen casos pero con baixa incidencia.
- Sen positivos dende hai máis de quince días están: Muras e Xermade.
Centro da provincia
- Os casos en Lugo seguen crecendo sen control ata 464 (30 máis), xa coa incidencia alta.
- Monterroso con 16 (4 máis) casos e Palas con 11 están con incidencia moi alta.
- Portomarín e A Fonsagrada teñen a incidencia con valores preto de risco e menos de dez casos.
- Guntín, O Corgo, Pedrafita, Castroverde, As Nogais, Cervantes e Baralla teñen positivos pero con baixa incidencia.
- Antas de Ulla e Ribeira de Piquín están sen casos na última semana. Súmase Becerreá.
- Limpos de covid nos últimos quince días están: Negueira de Muñiz e Navia de Suarna.
Comarca de Sarria
- Sarria suma positivos de novo ata 63 (3 máis).
- Paradela con 10 e O Páramo con menos de dez casos teñen a incidencia moi alta.
- Láncara e Samos teñen a incidencia preto de valores de alerta. Súmase Triacastela.
- O Incio segue limpo de covid dende fai dúas semanas.
Ribeira Sacra
- Monforte sobe a 62 casos (15 máis).
- Chantada sobe de novo a 37 casos (5 máis).
- O Saviñao, Bóveda, Carballedo e Taboada con menos de dez casos ambos, están en valores preto de alerta.
- Sober, Pantón e A Pobra de Brollón teñen casos pero con baixa incidencia. Únese Ribas do Sil.
- Sen casos en máis de quince días: Folgoso do Courel e Quiroga.
