Aumentan de novo os contaxios e os casos activos de covid
![covid 19](https://galiciaxa.com/wp-content/uploads/2021/04/covid-19.jpg)
Este martes volve rexistrarse un aumento de casos tras o importante descenso da fin de semana. Esto é debido a un crecemento de contaxios novos e unha redución do número de altas. Así, los casos quedan en 224, 10 máis que onte, cando na xornada anterior a baixada foi de 14.
Diagnosticaron nas últimas 24 horas 13 casos novos (onte foron 3). Ademais, as altas chegaron ás 11.054, 4 en 24 horas, o día anterior foron 14.
Dende que comezou a pandemia, no mes de marzo do pasado ano, hai 12.498 casos rexistrados e 213 persoas falecidas.
Respecto á presión hospitalaria, esta volve mellorar. Na UCI baixan os ingresos a 3 (un menos) e en planta se reducen a os casos a 10 (2 menos). 7 están no Hula, 2 no hospital da Mariña e 1 Monforte (2 menos).
O sistema de alerta, que está establecido en 4 niveis, continúa deste xeito dende onte:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500. A Pastoriza.
- Media. Para incidencia de 150 a 250. Meira e Chantada.
- Baixa. Por debaixo de 150. O resto da provincia.
POR COMARCAS
A situación segue a mellorar nas comarcas agás na cidade de Lugo. Os concellos en alerta melloran datos.
A Mariña
- Incidencia leve en Viveiro, Foz, Burela, Ribadeo, Alfoz , Cervo, Lourenzá e Trabada
- Sen casos novos máis de 15 días están Ourol, O Valadouro, A Pontenova, Riotorto, O Vicedo e Xove. Únese Barreiros.
- Sen casos novos na última semana está Mondoñedo.
Terra Chá
- A Pastoriza, en alerta alta ao subir a incidencia, xa está por debaixo dos dez casos.
- Meira, que baixará a alerta media, continúa reducindo a incidencia.
- Friol, Vilalba, Outeiro de Rei, Pol, Cospeito e Castro de Rei teñen casos pero con incidencia leve.
- Sen positivos dende hai máis de quince días están: Abadín, Muras, Begonte, Guitiriz, Rábade e Xermade.
- As Pontes segue sen casos na última semana.
Centro da provincia
- Os casos en Lugo soben de novo a 99 (5 máis).
- Becerreá e Cervantes teñen casos pero con baixa incidencia.
- Limpos de covid nos últimos quince días están: Negueira de Muñiz, Navia, Portomarín, Baleira, Guntín, Antas de Ulla, Monterroso, Castroverde, Pedrafita, O Corgo, As Nogais, Baralla, A Fonsagrada e Ribeira de Piquín. Únese Palas.
Comarca de Sarria
- Láncara e Sarria teñen casos pero con baixa incidencia.
- Paradela leva xa unha semana sen novos contaxios. Únese O Páramo.
- Triacastela, O Incio e Samos seguen limpos de covid dende fai dúas semanas polo menos.
Ribeira Sacra
- Monforte e Carballedo teñen casos pero con incidencia leve.
- Chantada reduce a 20 casos (1 menos) e seguirá en alerta media.
- Sen casos en máis de quince días: Folgoso do Courel, Ribas de Sil, Taboada, Bóveda, O Saviñao, Sober, A Pobra de Brollón, Quiroga e Pantón.
![covid 19](https://galiciaxa.com/wp-content/uploads/thumbs/2021/03/covid-19-200x104.jpg)