Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
A covid segue na senda do descenso con cifras inferiores ás de onte tanto en casos activos, como novos contaxios e hospitalización. O punto negro son as 5 novas defuncións
Así, hoxe hai 5.107 casos activos, 258 menos que onte, con 358 novos contaxios e 611 altas. Onte os casos baixaron en 208, con 427 novos contaxios e 368 altas.
Ademais, dende que comezou a pandemia, no mes de marzo do 2020, hai 47.428 casos rexistrados e 295 persoas falecidas (5 máis que onte).
A presión hospitalaria cae de novo. Na UCI do Hula seguen 9 ingresados, mentres en planta son 59 os pacientes (3 menos), 43 no de Lugo, 8 na Mariña e 8 en Monforte (2 menos). Deron a alta tamén ao ingresado no Polusa.
POR COMARCAS
Baixadas xeralizadas en todas as comarcas con especial relevancia na Mariña onde Foz e Viveiro caen de forma destacable con 23 casos de rebaixa, pero tamén son importantes en Alfoz, Burela, Cervo, Mondoñedo e O Valadouro. No resto de comarcas destacan a baixada de Lugo con 132 casos menos, así como Vilalba e Sarria con 24, Monforte 23, Chantada 18 e As Pontes con 16. Poucos concellos teñen subidas pero de habelas por debaixo de 5 casos.
Negueira de Muñiz queda só entre os concellos limpos, e con menos de dez están Navia de Suarna, Ribeira de Piquín, Ourol, Muras e Triacastela. Súmase Pedrafita.
A Mariña
- Alfoz: 29 casos (10 menos).
- A Pontenova: 60 (8 menos).
- Barreiros: 49 (8 menos).
- Burela: 167 (14 menos).
- Cervo: 97 (11 menos).
- Foz: 220 (23 menos).
- Lourenzá: 34 (3 menos).
- Mondoñedo: 74 (11 menos).
- O Valadouro: 18 (11 menos).
- O Vicedo: 32 (5 menos).
- Ourol: Por debaixo de 10.
- Ribadeo: 159 (2 menos).
- Riotorto: 24.
- Trabada: 32 (4 máis).
- Viveiro: 315 (23 menos).
- Xove: 73 (6 menos).
Terra Chá
- Abadín: 47 contaxios (2 menos).
- A Pastoriza: 67 (2 menos).
- As Pontes: 277 (16 menos).
- Begonte: 31 (1 menos).
- Castro de Rei: 142 (5 máis).
- Cospeito: 101 (2 menos).
- Friol: 37.
- Guitiriz: 59 (7 menos).
- Meira: 66 (2 menos).
- Muras: Por debaixo de 10.
- Outeiro de Rei: 74 (4 menos).
- Pol: 32 (1 máis).
- Rábade: 25 (1 máis).
- Vilalba: 360 (24 menos)
- Xermade: 35 (5 menos).
Comarca de Sarria
- Láncara: 55 enfermos (7 menos).
- O Incio: 23 (2 máis).
- O Páramo: 32.
- Paradela: 24 (2 menos).
- Samos: 15.
- Sarria: 284 (24 menos).
- Triacastela: Por debaixo de 10.
Centro da provincia
- A Fonsagrada: 66 positivos (1 máis).
- As Nogais: 14 (2 máis).
- Antas de Ulla: 39 (1 máis).
- Baleira: 18 (1 máis).
- Baralla: 39 (5 menos).
- Becerreá: 55 (7 menos).
- Castroverde 38 (6 menos).
- Cervantes: 14 (1 menos).
- Guntín: 43 (1 menos).
- Lugo: 2.355(132 menos).
- Monterroso: 81 (3 menos).
- Navia de Suarna: Por debaixo de 10.
- Negueira de Muñiz: Unha semana sen casos.
- O Corgo: 47 (5 menos).
- Palas de Rei: 45 (3 menos).
- Pedrafita: Por debaixo de 10.
- Portomarín: 19.
- Ribeira de Piquín: menos de 10 casos.
Ribeira Sacra
- A Pobra do Brollón: 34 enfermos (3 menos).
- Bóveda: 15.
- Carballedo: 56 (3 menos).
- Chantada: 303 (18 menos).
- Folgoso do Courel: 19.
- Monforte: 495 (23 menos).
- O Saviñao: 85 (4 menos).
- Pantón: 33 (3 máis).
- Quiroga: 47 (4 menos).
- Ribas de Sil: 14 (3 menos).
- Sober: 26 (6 menos).
- Taboada: 66 (9 menos).
RESTRICIÓNS
- A hostalaría terá que pechar ás 01.00 horas todos os días, agás os venres e os sábados que poderá abrir ata a 1.30 horas.
- No lecer nocturno. Os pubs poderán abrir ata as 4.30 horas.
- Permítese o consumo en barra.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 15 en exteriores.
- A cuarentenas serán de 7 días (en lugar de 10).
