CD Cultural Areas e Domaio FC, campións da Copa Deputación de Pontevedra 2025
A vicepresidenta da Deputación de Pontevedra, Luisa Sánchez, e o vicepresidente Rafa Domínguez fixeron entrega este sábado no Estadio de Pasarón dos títulos da Copa Deputación de fútbol. O CD Cultural Areas proclamouse campión na categoría masculina e o Domaio FC na feminina.
Ambos mandatarios destacaron a importancia deste evento, que reforza a condición da provincia como “referente en fútbol e na organización de eventos deportivos de grande envergadura”. Esta é a segunda edición da Copa Deputación desde que foi recuperada polo actual goberno provincial, cunha achega de 120.000 euros.
Na categoría masculina, o CD Cultural Areas impúxose ao Club Juventud Cambados, que chegaba á final tras derrotar ao C.D. Ribadumia por cinco goles a cero. O Cultural, pola súa banda, venceu nos penaltis ao Juvenil de Ponteareas.
No cadro feminino, o Domaio FC proclamouse campión tras vencer nos penaltis ás Celtas B, mentres que o San Roque Casablanca chegara á final tras superar ao Atlético Villalonga B por dous goles a cero.
Este ano participaron un total de 159 equipos masculinos e femininos das delegacións de Pontevedra, Vigo e Santiago, nas categorías afeccionados (masculina) e sénior (feminina) de ámbito autonómico.