Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
A covid volve crecer en casos activos unha xornada máis tras romper a súa tendencia á baixa cando as altas estabilizáronse. O que se reduce é o número de contaxios e súmase un novo falecido nunha xornada na que se avanza a eliminación da obligatoriedade de uso da máscara en exteriores.
Así, hoxe hai 6.429 casos activos, 63 máis que onte, con 490 novos contaxios e 425 altas. Onte os casos subiron en 218, con 645 novos contaxios e 422 altas.
Ademais, dende que comezou a pandemia, no mes de marzo do 2020, hai 45.518 casos rexistrados e 286 persoas falecidas. É unha máis que onte, un home de 80 anos ingresado no Hula.
A presión hospitalaria mantense alta Na UCI do Hula son 7 os ingresados (1 menos), mentres en planta son 73 os pacientes, 47 no de Lugo (2 menos), 12 na Mariña e 14 en Monforte (1 máis).
POR COMARCAS
Xornada de estabilidade nos concellos, agás na zona sur onde se nota máis a tendencia á alza e na norte, onde é todo o contrario.
Os cambios máis detacados á baixa están en Lugo con 57 menos, Ribadeo con 23, Burela con 18, A Pontenova con 11 e Mondoeñdo e Cervo con 10. No relativo ás subidas, Monforte suma 27.
Ningún concello está limpo de covid e son seis os que teñen menos de dez casos. Negueira de Muñiz, Navia de Suarna, Ribeira de Piquín, Ourol, Muras e Pedrafita.
A Mariña
- Alfoz: 36 (2 máis).
- A Pontenova: 89 (11 menos).
- Barreiros: 72 (7 menos).
- Burela: 202 (18 menos).
- Cervo: 125 (10 menos).
- Foz: 276 (5 menos).
- Lourenzá: 41 (7 menos).
- Mondoñedo: 97 (10 menos).
- O Valadouro: 33 (2 menos).
- O Vicedo: 30 (3 menos).
- Ourol: Por debaixo de 10.
- Ribadeo: 215 (23 menos).
- Riotorto: 29 (3 máis).
- Trabada: 30 (2 menos).
- Viveiro: 349 (4 máis).
- Xove: 82 (5 menos).
Terra Chá
- Abadín: 49 contaxios.
- A Pastoriza: 82 (1 máis).
- As Pontes: 306 (5 menos).
- Begonte: 42 (5 menos).
- Castro de Rei: 114 (5 máis).
- Cospeito: 100.
- Friol: 43 (5 menos).
- Guitiriz: 84 (1 menos).
- Meira: 61 (5 menos).
- Muras: Por debaixo de 10.
- Outeiro de Rei: 102.
- Pol: 21 (1 máis).
- Rábade: 24 (1 menos).
- Vilalba: 401.
- Xermade: 35 (1 máis).
Comarca de Sarria
- Láncara: 62 enfermos (1 menos).
- O Incio: 29.
- O Páramo: 44 (1 menos).
- Paradela: 27 (4 menos).
- Samos: 18 (1 máis).
- Sarria: 354 (5 máis).
- Triacastela: 10 (2 menos).
Centro da provincia
- A Fonsagrada: 77 positivos (2 máis).
- As Nogais: 12 (1 menos).
- Antas de Ulla: 33.
- Baleira: 18 (2 menos).
- Baralla: 61 (2 máis).
- Becerreá: 72.
- Castroverde 54 (3 máis).
- Cervantes: 15.
- Guntín: 48 (1 menos).
- Lugo: 2.641 (57 menos).
- Monterroso: 74 (2 máis).
- Navia de Suarna: Por debaixo de 10.
- Negueira de Muñiz: Por debaixo de 10.
- O Corgo: 50 (1 máis).
- Palas de Rei: 64 (3 menos).
- Pedrafita: Por debaixo de 10.
- Portomarín: 18.
- Ribeira de Piquín: menos de 10 casos.
Ribeira Sacra
- A Pobra do Brollón: 46 enfermos (2 menos).
- Bóveda: 16 (1 menos).
- Carballedo: 65 (2 máis).
- Chantada: 326 (8 menos).
- Folgoso do Courel: 18 (2 máis).
- Monforte: 514 (27 máis).
- O Saviñao: 86 (3 máis).
- Pantón: 43 (2 menos).
- Quiroga: 64 (8 menos).
- Ribas de Sil: 25 (1 menos).
- Sober: 35 (1 máis).
- Taboada: 71 (2 máis).
RESTRICIÓNS
- A hostalaría terá que pechar ás 01.00 horas todos os días, agás os venres e os sábados que poderá abrir ata a 1.30 horas.
- No lecer nocturno. Os pubs poderán abrir ata as 4.30 horas.
- Permítese o consumo en barra.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 15 en exteriores.
- A cuarentenas serán de 7 días (en lugar de 10).
