Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Continúa o descenso de casos activos mentres se controla a hospitalizacións.
Así, este sábado hai A provincia de Lugo encara a fin de semana cunha importante baixada de casos activos, aínda que non en cantidade si é importante porque descenden 182 casos activos, 14 menos que onte, cando na xornada anterior a baixada foi de 8.
Diagnosticaron nas últimas 24 horas 11 casos novos (onte foron tamén 11). As altas chegaron ás 11.222, 225 en 24 horas, o día anterior foron 22.
Dende que comezou a pandemia, no mes de marzo do pasado ano, hai 12.623 casos rexistrados e 214 persoas falecidas.
Nos hospitais segue habendo dúas persoas na UCI de Lugo e 8 ingresados en planta (1 menos), 5 están no Hula (1 menos), 1 en Burela e 2 Monforte.
O sistema de alertas, que está establecido en 4 niveis, queda deste modo:
- Máxima. Para incidencia maior de 500 casos por 100.000 habitantes.
- Alta. Para incidencia de 250 a 500.
- Media. Para incidencia de 150 a 250. A Pastoriza e Chantada.
- Baixa. Por debaixo de 150. O resto da provincia.
POR COMARCAS
A situación continúa mellorando en todas as comarcas. Unha excepción é Chantada.
A Mariña
- Incidencia leve en Burela e Foz. Únese Mondoñedo.
- Sen casos novos máis de 15 días están Ourol, O Valadouro, A Pontenova, Riotorto, O Vicedo, Xove, Barreiros, Cervo, Trabada e Lourenzá.
- Sen casos novos na última semana están Ribadeo, Viveiro e Alfoz.
Terra Chá
- A Pastoriza segue en alerta media e con incidencia.
- Guitiriz, Xermade, Vilalba e As Pontes teñen tamén casos, por debaixo de dez, e con incidencia leve.
- Meira e Friol están sen casos en 7 días. Únese Cospeito.
- Sen positivos dende hai máis de quince días están: Abadín, Muras, Begonte, Rábade, Outeiro de Rei. Únese Castro de Rei.
Centro da provincia
- Os casos en Lugo seguen baixando. Son 58 (7 menos).
- Monterroso volve a ter tras semanas limpo.
- Levan unha semana sen casos Becerreá, Cervantes, A Fonsagrada e Palas. Únese O Corgo.
- Limpos de covid nos últimos quince días están: Negueira de Muñiz, Navia, Portomarín, Baleira, Guntín, Antas de Ulla, Castroverde, Pedrafita, As Nogais, Baralla e Ribeira de Piquín.
Comarca de Sarria
- Láncara e Sarria teñen casos pero con baixa incidencia.
- O Páramo leva sen positivos unha semana.
- Triacastela, O Incio, Samos e Paradela seguen limpos de covid dende fai dúas semanas polo menos.
Ribeira Sacra
- Chantada segue con 25 casos e seguirá en alerta media.
- Carballedo, Folgoso, Taboada, Monforte e Sober teñen casos pero con incidencia leve.
- Pantón ten elevada a incidencia pero non chega aos dez casos.
- Sen casos en máis de quince días: Ribas de Sil, Bóveda, O Saviñao, A Pobra de Brollón e Quiroga.
