Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Os casos activos seguen subindo malia pero os contaxios tamén decaen unha xornada máis. Así, hoxe hai 467 en toda a provincia, 20 máis que onte, cando o aumento a xornada anterior foi de 33. Diagnosticaron nas últimas 24 horas 32 casos novos (onte foron 46 e o día anterior 55), e as altas chegaron ás 12.979 (13 nun día), o día anterior foron 8.
Dende que comezou a pandemia, no mes de marzo do pasado ano, hai 13.668 casos rexistrados e 217 persoas falecidas.
A presión hospitalaria mantense en 6 persoas ingresadas. No Hula hai 1 na UCI e 4 en planta; ademais dun hospitalizado na Mariña.
O Comité clínico pola súa banda mantén a Sarria en alerta alta, o único concello con restricións.
POR COMARCAS
Os gromos da vila de Sarria e da Terra Chá, que afectan a Castro de Rei, Meira e A Pastoriza, seguen estables pero a crecemento de casos segue moi alto en na capital. Nos resto mantense estable.
A Mariña
- Viveiro segue con 12 casos, aínda coa incidencia moi baixa.
- Lourenzá reduce algo a súa incidencia con menos de 10 contaxiados.
- Foz chega tamén aos 11 casos pero con incidencia controlada.
- Con algún caso activo e baixa incidencia están Ribadeo, Cervo, Xove, Riotorto, Mondoñedo e Burela.
- O Vicedo e A Pontenova fai unha semana que non teñen contaxios novos.
- Sen casos novos máis de 15 días están Ourol, Barreiros, O Valadouro, Alfoz e Trabada.
Terra Chá
- Cospeito, Vilalba, As Pontes, Begonte, Outeiro de Rei e Pol teñen casos pero con baixa incidencia. Únese Guitiriz.
- Castro de Rei con 17 casos (1 menos), Meira, A Pastoriza e Friol con menos de dez teñen a incidencia moi alta.
- Rábade leva unha semana sen casos novos.
- Sen positivos dende hai máis de quince días están: Muras, Xermade, Abadín.
Centro da provincia
- Os casos en Lugo seguen crecendo sen control ata 197 (11 máis), xa en niveis de alerta.
- Portomarín, Guntín, O Corgo, Palas, Antas de Ulla, As Nogais, Becerreá, Monterroso e Castroverde teñen positivos pero con baixa incidencia.
- Limpos de covid nos últimos quince días están: Negueira de Muñiz, Baleira, Pedrafita, Baralla, Ribeira de Piquín, Cervantes, A Fonsagrada e Navia de Suarna.
Comarca de Sarria
- No gromo de Sarria volven baixar lixeiramente os casos. Son 65 (1 menos).
- Láncara e Paradela teñen casos con baixa incidencia.
- Triacastela leva unha semana sen casos.
- Samos, O Páramo e O Incio seguen limpos de covid dende fai máis de dúas semanas.
Ribeira Sacra
- Monforte sobe a 17 casos (4 máis) e mantén a incidencia baixa.
- Carballedo ten a incidencia alta pero segue por debaixo de dez casos.
- Quiroga, Pantón, O Saviñao e Chantada teñen casos pero con baixa incidencia.
- Taboada e Sober levan sen contaxios novos unha semana.
- Sen casos en máis de quince días: Ribas de Sil, Bóveda, A Pobra de Brollón e Folgoso do Courel.