Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Os casos activos continúan baixando este sábado grazas ás altas e que baixaron os novos contaxios, a hospitalización na UCI e na planta. Así, hoxe hai 1.533 casos activos, o que supón 52 menos que onte. Esta cifra obtense polos 75 novos enfermos que sumaron en 24 horas e as 126 altas.
Ademais, dende que comezou a pandemia, no mes de marzo do pasado ano, hai 17.597 casos rexistrados e 225 persoas falecidas, oito nesta quinta vaga.
A presión hospitalaria baixou. Hai 40 persoas ingresadas (5 menos) nos catro hospitais. Na UCI do Hula hai 6 e nas diferentes plantas son 34 os enfermos (4 menos); 24 están no de Lugo (3 menos), 4 na Mariña (os mesmos), 5 en Monforte (1 menos) e 1 no Polusa (o mesmo).
CAMBIO DE RESTRICIÓNS
O sistema de alerta variou esta noite quedando como se explica a continuación:
- En alerta máxima: ningún.
- En alerta alta: Viveiro, Burela, Foz, Ribadeo, Xove, Chantada, Lugo e Outeiro de Rei,
- No nivel medio: Cervo, Mondoñedo, Monforte de Lemos, Sarria, Monterroso, Palas de Rei, Cospeito, Guitiriz, Vilalba e As Pontes.
POR COMARCAS
A provincia comeza unha xornada de novos niveis onde xa non hai ningún en alerta máxima. Así os casos seguen baixando en xeral e destaca a continua baixada en Lugo e o bo mantemento na comarca de Sarria.
A Mariña
- A Pontenova, con menos de 10.
- Alfoz, sobe 1 caso ata 19.
- Barreiros, baixa 1 ata 11.
- Burela, 42, 9 menos que onte.
- Cervo, baixa 2 ata 11.
- Foz, 42 casos, 4 casos menos.
- Lourenzá, leva unha semana sen casos.
- Mondoñedo, baixa 1 casos ata 10.
- O Valadouro, segue en13.
- O Vicedo, menos de 10.
- Ourol, con menos de dez.
- Ribadeo, baixa 1 ata 51.
- Riotorto, con menos de dez.
- Trabada, menos de 10 casos.
- Viveiro, 95 casos, 9 menos.
- Xove, baixa 4 casos ata 14 casos.
Terra Chá
- A Pastoriza, menos de 10.
- Abadín, menos de 10.
- As Pontes, baixa 1 casos ata 26.
- Begonte, menos de 10.
- Castro de Rei, sobe 1 casos ata 17.
- Cospeito, baixa 5 casos ata 21.
- Friol, menos de 10.
- Guitiriz, segue en 16.
- Meira, menos de 10.
- Muras, sen positivos dende hai máis de quince días.
- Outeiro de Rei, sobe 2 casos ata 32.
- Pol, menos de 10.
- Rábade, con 10 casos.
- Vilalba, baixa 1 casos ata 46.
- Xermade, menos de 10.
Comarca de Sarria
- Láncara, menos de 10 casos.
- O Incio, menos de 10 casos.
- O Páramo, sen casos nunha semana.
- Paradela, sen casos nunha semana.
- Samos, menos de 10 casos.
- Sarria, segue en 52 casos.
- Triacastela, menos de 10 casos.
Centro da provincia
- A Fonsagrada, segue en 14 casos.
- Antas de Ulla, sen casos na última semana.
- As Nogais, sen casos nos últimos quince días.
- Baralla, con menos de 10 casos.
- Baleira, sen casos na última semana.
- Becerreá, con menos de 10 casos.
- Castroverde, con 10 casos.
- Cervantes, con menos de 10 casos.
- Guntín, sen casos na última semana.
- Lugo, baixa 23casos ata os 483.
- Monterroso, sobe 2 casos ata 17.
- Navia de Suarna, menos de 10 casos.
- Negueira de Muñiz, sen casos na última semana.
- O Corgo, con menos de 10 casos.
- Palas de Rei, segue en 18.
- Pedrafita, sen casos na última semana.
- Portomarín, con menos de 10 casos.
- Ribeira de Piquín, sen novos casos nunha semana.
Ribeira Sacra
- Monforte, baixa 2 casos ata 77.
- Chantada, sobe 2 ata 32 casos.
- Quiroga, sobe 2 ata 16.
- Sober, segue en 11.
- A Pobra de Brollón, segue en 20 casos.
- Carballedo, menos de 10 casos.
- O Saviñao, menos de 10 casos.
- Bóveda, sen novos casos nunha semana.
- Taboada, segue en 11 casos.
- Pantón, sen novos casos nunha semana.
- Ribas de Sil, sen casos en quince días.
- Folgoso do Courel, sen casos en quince días.
AS RESTRICIÓNS
Nas zonas de nivel máximo poderán entrar nestes locais aqueles que teñan certificado de vacinación completa, que pasaran a enfermidade ou teñan un test negativo. Os aforos están no 30% en interior e no 50% en exterior e os horarios manteranse como ata o de agora, con peche ás 1.00 horas.
Nas zonas de nivel alto, o aforo será do 50% en interior e exterior e esixirase os mesmos documentos para entrar. O ocio nocturno permanecerá pechado nos 36 concellos en alerta máxima.
Por último, en nivel medio os aforos tamén estarán limitados ao 50% en interior e exterior, e en nivel medio baixo, ao 50% en interior e 100% en exterior. Nestes casos non será necesario presentar a acreditación obrigatoria dos niveis máis altos de restricións.
Para o ocio nocturno, que pode seguir aberto, as restricións serán as mesmas que ata o de agora, presentar probas, rexistro de clientes e medidor de CO2.
En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.
Non haberá peche perimetral en ningún dos concellos.
