Éric Igual logra tres ouros en Francia coa Selección Española de pista
O ciclista xúnior Éric Igual, do equipo galego Picusa Academy, asinou un fin de semana de luxo en Francia defendendo á Selección Española de pista. No velódromo de Hyères, no Festival International Piste Toulon Provence Méditerranée (CL2 UCI), Igual subiu ao podio en tres ocasións:
Omnium (sábado), por diante do seu compañeiro Eñaut Urkaregui.
Scratch (domingo), superando ao francés Nathan Marcoux e a Calixte Lae.
Madison (domingo), en parella con Urkaregui.
Estas vitorias reforzan a motivación de Igual antes do Campionato de Europa e do Mundial de pista.
Sobre o asfalto, o valenciano tamén brilla: gañador do Trofeo Víctor Cabedo, segundo na Copa de España e subcampión na primeira etapa da Vuelta á Montaña Central.
O seu compañeiro Enrique Maranchón regresou á competición tras superar unha mononucleose no Campionato xúnior da Comunitat Valenciana (Clásica Camp de Morvedre), onde acadou un destacado posto once.