Deportes

Pontevedra acolle esta fin de semana as Finais Infantís e Xuvenís do Campionato Xunta de Galicia de Voleibol, con máis de 500 participantes.

O Pavillón da Xunqueira acollerá esta fin de semana, 5 e 6 de abril, as Finais Xuvenil e Infantil dos Campionatos Xunta de Galicia de Voleibol 2025. Organizadas pola Federación Galega de Voleibol en colaboración coa Deputación, o Concello de Pontevedra, o CV Pontevedra e GADIS, esta cita reunirá máis de 500 participantes entre xogadores, técnicos e seareiros.

Durante dous días disputaranse semifinais, terceiros e cuartos postos e as finais, tanto en categoría masculina como feminina. Os equipos vencedores representarán a Galicia no Campionato de España de clubs.

A seguinte fase do Campionato celebrarase na Estrada os días 12, 13 e 26 de abril coas finais Júnior, Cadete e Sénior.