Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Os casos activos continúan crecendo pero comezan as primeiras mellorías cun lixeiro descenso de novos contaxios e dos ingresados nos hospitais.
Hoxe hai 1.066 casos activos, 38 máis que onte, cun rexistro de 80 novos positivos e 42 altas. Onte houbo 35 máis, con 90 novos contaxios e 54 altas.
Ademais, dende que comezou a pandemia, no mes de marzo do pasado ano, hai 22.033 casos rexistrados e 257 persoas falecidas, dúas delas nesta sexta vaga.
A presión hospitalaria reláxase cunha baixada de 1 enfermo na UCI do Hula, onde hai 5 persoas, mentres en planta os ingresados son 10 pacientes (1 menos), 5 no de Lug (1 máis), 1 na Mariña e 4 en Monforte (2 menos).
POR COMARCAS
Lugo segue a levarse a peor parte do crecemento da covid mentres na Ribeira Sacra a situación estáncase pola baixada dos casos de forma xeralizada.
A Mariña
- Burela: 12 positivos (2 máis).
- Foz: 24.
- Mondoñedo: 10.
- Ribadeo: 13 (1 máis).
- Viveiro: 17 (2 máis).
- Por debaixo de 10: Barreiros, Lourenzá, Xove, Cervo, O Vicedo e Alfoz. Únese Riotorto.
- Entre unha semana e 15 días sen casos: A Pontenova, O Valadouro e Trabada.
- Máis de quince días limpos: Ourol.
Terra Chá
- As Pontes: 23 (1 menos).
- Castro de Rei: 10.
- Outeiro de Rei: 17 casos (1 máis).
- Vilalba: 20 (2 menos).
- Por debaixo de 10 contaxios: A Pastoriza, Abadín, Guitiriz, Rábade, Pol, Begonte, Cospeito e Friol.
- Entre unha semana e 15 días sen casos: Muras. Únese Meira.
- Máis de quince días limpos: Xermade
Comarca de Sarria
- Sarria suma 1 e xa son 22 enfermos.
- Por debaixo de 10 contaxios: Láncara, Samos e O Páramo.
- Entre unha semana e 15 días sen casos: O Incio.
- Máis de quince días limpos: Triacastela e Paradela.
Centro da provincia
- Lugo: 457 (20 máis).
- Monterroso: 14 (2 menos).
- Palas de Rei 14 (1 máis).
- Por debaixo dos 10 casos: A Fonsagrada, Baralla, Guntín, Baleira, Pedrafita, Castroverde, Ribeira de Piquín, O Corgo, Becerreá, P0rtomarín, As Nogais e Antas de Ulla.
- Entre unha semana en 15 días sen casos: Navia de Suarna,
- Máis de quince días limpo: Negueira de Muñiz e Cervantes.
Ribeira Sacra
- Chantada: 59 contaxios (2 menos).
- Folgoso do Courel: 19 (1 menos).
- Monforte: 82 casos (5 máis).
- O Saviñao: 34 enfermos (4 menos).
- Pantón: 17 (1 máis).
- Quiroga: 12 casos (1 máis).
- Taboada: 13 contaxios (1 menos).
- Por debaixo de 10 contaxios: A Pobra de Brollón, Bóveda, Sober, Ribas de Sil e Carballedo.
RESTRICIÓNS
Entran en marcha novas restricións para atallar o novo crecemento do virus.
- Indica así que será obrigatorio presentar o certificado COVID en residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Non se permite a realización de cócteles e actos de recepción con aperitivo e público de pé.
- Mantense a esixencia do certificado covid na hostalaría. Os restaurantes pedirano durante todo o día e os bares a partir das 21.00 horas. No ocio nocturno segue a ser obrigado independente do nivel de seguridade.
- As mesas en interiores quedan reducidas de 10 a 8 comensais e en exteriores de 20 a 15.
- Os venres e sábados os establecementos hostaleiros poden pechar á 1.30 horas. O resto de días o horario de peche está fixado para a 1.00 horas.
- No lecer nocturno. Os pubs poderán abrir os venres e sábados ata as 4.30 horas. O resto de días ata as 4.00 horas. As discotecas e salas de concertos poderán pechar ás 5.00 horas.
- A máscara seguirá sendo obrigatoria en espazos pechados e cando non se poida manter unha distancia de 1,5 m.
