Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Os casos activos continúan baixando este domingo grazas ás altas e que baixaron os novos contaxios e a hospitalización na UCI. Así, hoxe hai 2.015 casos activos, o que supón 99 menos que onte. Esta cifra obtense polos 91 novos enfermos que sumaron en 24 horas e as 188 altas.
Ademais, dende que comezou a pandemia, no mes de marzo do pasado ano, hai 17.156 casos rexistrados e 223 persoas falecidas, seis nesta quinta vaga.
A presión hospitalaria segue subindo. Hai 34 persoas ingresadas (4 menos) nos catro hospitais. Na UCI do Hula continúan 8 e nas diferentes plantas son 33 os enfermos (5 menoss); 23 están no de Lugo (2 menos), 6 na Mariña (2 menos), 4 en Monforte (os mesmos) e 1 no Polusa.
CAMBIO DE RESTRICIÓNS
O sistema de alerta queda do seguinte xeito:
- En alerta máxima: Burela, Foz, Viveiro e Monterroso.
- En alerta alta: Lugo, Chantada, Monforte, Cervo, Ribadeo, Xove e Palas de Rei.
- No nivel medio están Sarria, Vilalba, Mondoñedo, Barreiros, Cospeito, Outeiro de Rei e As Pontes
POR COMARCAS
A tendencia á baixada de casos amósase en todas as comarcas, así, destacan catros concellos da Mariña como son Foz, Burela, Ribadeo e Viveiro. Na comarca sur e no centro da provincia segue tamén baixando malia o pequeno repunte en Guitiriz.
A Mariña
- A Pontenova con menos de 10.
- Alfoz sobe a 23 casos.
- Barreiros sobe a 14.
- Burela 109, 8 menos.
- Cervo baixa a 23 (1 menos).
- Foz 83 casos, 26 casos menos.
- Lourenzá está xa por debaixo de 10.
- Mondoñedo, baixa 1 caso ata 12.
- O Valadouro sobe a 15 (4 máis).
- O Vicedo menos de 10.
- Ourol con menos de dez.
- Ribadeo, baixa aos 46 casos, 17 menos.
- Riotorto menos de 10.
- Trabada leva xa unha semana sen casos.
- Viveiro: 155 casos, 16 menos.
- Xove: mantense en 26 casos.
Terra Chá
- A Pastoriza, menos de 10.
- Abadín, menos de 10.
- As Pontes baixa a 33 (6 menos).
- Begonte, menos de 10.
- Castro de Rei sobe a 16 casos.
- Cospeito baixa 1 ata 23.
- Friol menos de 10.
- Guitiriz sobe a 18.
- Meira, sobe a 11.
- Muras, sen positivos dende hai máis de quince días.
- Outeiro de Rei baixa a 36 (1 menos).
- Pol sen positivos dende hai máis de quince días.
- Rábade, menos de 10.
- Vilalba, que baixa a 56 casos (5 menos).
- Xermade, menos de 10.
Comarca de Sarria
- Láncara, menos de 10 casos.
- O Incio, menos de 10 casos.
- O Páramo, menos de 10 casos.
- Paradela, menos de 10 casos.
- Samos. Sen casos nunha semana.
- Sarria mántense en 51 positivos.
- Triacastela está sen casos dende hai 15 días.
Centro da provincia
- A Fonsagrada mántense en 17.
- Antas de Ulla menos de 10.
- As Nogais está sen casos na última semana.
- Baralla, sen casos os últimos quince días.
- Baleira, con menos de 10 casos.
- Becerreá, con menos de 10 casos.
- Castroverde, con 10 casos.
- Cervantes, sen casos nos últimos quince días.
- Guntín baixa 1 caso ata 10 casos.
- Lugo seguen baixando. Son 643 (5 menos).
- Monterroso baixa a 31 casos (2 menos).
- Navia de Suarna, menos de 10 casos.
- Negueira de Muñiz con menos de 10.
- O Corgo sobe a 14 (1 máis).
- Palas segue con 30.
- Pedrafita, menos de 10 positivos.
- Portomarín, con menos de 10 casos.
- Ribeira de Piquín, sen novos casos nunha semana.
Ribeira Sacra
- Monforte baixa a 73 casos (3 menos).
- Chantada reduce a 39 casos (7 menos).
- Quiroga baixa 1 caso ata 15.
- Sober, menos de 10.
- A Pobra de Brollón baixa a 16.
- Carballedo menos de 10 casos.
- O Saviñao menos de 10 casos.
- Bóveda menos de 10 casos.
- Taboada baixa 2 casos ata 14.
- Pantón, sen novos casos nunha semana.
- Ribas de Sil, sen casos en quince días.
- Folgoso do Courel leva unha semana limpo.
AS RESTRICIÓNS
Nas zonas de nivel máximo poderán entrar nestes locais aqueles que teñan certificado de vacinación completa, que pasaran a enfermidade ou teñan un test negativo. Os aforos están no 30% en interior e no 50% en exterior e os horarios manteranse como ata o de agora, con peche ás 1.00 horas.
Nas zonas de nivel alto, o aforo será do 50% en interior e exterior e esixirase os mesmos documentos para entrar. O ocio nocturno permanecerá pechado nos 36 concellos en alerta máxima.
Por último, en nivel medio os aforos tamén estarán limitados ao 50% en interior e exterior, e en nivel medio baixo, ao 50% en interior e 100% en exterior. Nestes casos non será necesario presentar a acreditación obrigatoria dos niveis máis altos de restricións.
Para o ocio nocturno, que pode seguir aberto, as restricións serán as mesmas que ata o de agora, presentar probas, rexistro de clientes e medidor de CO2.
En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.
Non haberá peche perimetral en ningún dos concellos.
