Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Os casos activos continúan baixando este venres grazas ás altas e que baixaron os novos contaxios, aínda que volveu a subir a hospitalización na UCI e mantense en planta. Así, hoxe hai 1.585 casos activos, o que supón 91 menos que onte. Esta cifra obtense polos 88 novos enfermos que sumaron en 24 horas e as 180 altas.
Ademais, dende que comezou a pandemia, no mes de marzo do pasado ano, hai 17.523 casos rexistrados e 225 persoas falecidas, oito nesta quinta vaga.
A presión hospitalaria baixou. Hai 45 persoas ingresadas (4 máis) nos catro hospitais. Na UCI do Hula hai 6 e na do Hospital da Mariña 1, nas diferentes plantas son 38 os enfermos (4 máis); 27 están no de Lugo (4 máis), 4 na Mariña (os mesmos), 6 en Monforte (os mesmos) e 1 no Polusa (o mesmo).
CAMBIO DE RESTRICIÓNS
O sistema de alerta modificarase esta noite ás 00.00 horas quedando como como se explica a continuación:
- En alerta máxima: ningún.
- En alerta alta: Viveiro, Burela, Foz, Ribadeo, Xove, Chantada, Lugo e Outeiro de Rei,
- No nivel medio: Cervo, Mondoñedo, Monforte de Lemos, Sarria, Monterroso, Palas de Rei, Cospeito, Guitiriz, Vilalba e As Pontes.
POR COMARCAS
Segue a tendencia á baixa de casos activos en todas as comarcas posto que descende o ritmo de novos contaxios, tan só hai pequenos repuntes en Mondoñedo, Castro de Rei, Sarria e Monforte. Hoxe destaca a gran baixada de casos en Lugo que foi de 32.
A Mariña
- A Pontenova, con menos de 10.
- Alfoz, segue en 18.
- Barreiros, sobe 2 ata 12.
- Burela, 51, 8 menos que onte.
- Cervo, baixa 4 ata 13.
- Foz, 46 casos, 10 casos menos.
- Lourenzá, leva unha semana sen casos.
- Mondoñedo, sobe 1 casos ata 11.
- O Valadouro, segue en13.
- O Vicedo, menos de 10.
- Ourol, con menos de dez.
- Ribadeo, sobe 3 ata 52.
- Riotorto, con menos de dez.
- Trabada, menos de 10 casos.
- Viveiro, 104 casos, 11 menos.
- Xove, baixa 5 casos ata 18 casos.
Terra Chá
- A Pastoriza, menos de 10.
- Abadín, menos de 10.
- As Pontes, baixa 3 casos ata 27.
- Begonte, menos de 10.
- Castro de Rei, sobe 2 casos ata 16.
- Cospeito, seguen en 26.
- Friol, menos de 10.
- Guitiriz, baixa 1 ata 16.
- Meira, baixa 1 ata 10.
- Muras, sen positivos dende hai máis de quince días.
- Outeiro de Rei, baixa 1 ata 30.
- Pol, menos de 10.
- Rábade, menos de 10.
- Vilalba, baixa 4 casos ata 47.
- Xermade, menos de 10.
Comarca de Sarria
- Láncara, menos de 10 casos.
- O Incio, menos de 10 casos.
- O Páramo, sen casos nunha semana.
- Paradela, menos de 10 casos.
- Samos, menos de 10 casos.
- Sarria, sobe 3 casos ata 52.
- Triacastela, menos de 10 casos.
Centro da provincia
- A Fonsagrada, baixa 2 casos ata 14.
- Antas de Ulla, sen casos na última semana.
- As Nogais, sen casos nos últimos quince días.
- Baralla, con menos de 10 casos.
- Baleira, sen casos na última semana.
- Becerreá, con menos de 10 casos.
- Castroverde, con menos de 10 casos.
- Cervantes, con menos de 10 casos.
- Guntín, sen casos na última semana.
- Lugo, baixa 32 casos ata os 506.
- Monterroso, baixa 3 ata 15.
- Navia de Suarna, menos de 10 casos.
- Negueira de Muñiz, sen casos na última semana.
- O Corgo, con menos de 10 casos.
- Palas de Rei, baixa 1 casos ata 18.
- Pedrafita, sen casos na última semana.
- Portomarín, con menos de 10 casos.
- Ribeira de Piquín, sen novos casos nunha semana.
Ribeira Sacra
- Monforte, sobe 1 ata 79.
- Chantada, baixa 1 ata 30 casos.
- Quiroga, segue en 14
- Sober, segue en 11.
- A Pobra de Brollón, segue en 20 casos.
- Carballedo, menos de 10 casos.
- O Saviñao, menos de 10 casos.
- Bóveda, sen novos casos nunha semana.
- Taboada, baixa 1 casos ata 11.
- Pantón, sen novos casos nunha semana.
- Ribas de Sil, sen casos en quince días.
- Folgoso do Courel, sen casos en quince días.
AS RESTRICIÓNS
Nas zonas de nivel máximo poderán entrar nestes locais aqueles que teñan certificado de vacinación completa, que pasaran a enfermidade ou teñan un test negativo. Os aforos están no 30% en interior e no 50% en exterior e os horarios manteranse como ata o de agora, con peche ás 1.00 horas.
Nas zonas de nivel alto, o aforo será do 50% en interior e exterior e esixirase os mesmos documentos para entrar. O ocio nocturno permanecerá pechado nos 36 concellos en alerta máxima.
Por último, en nivel medio os aforos tamén estarán limitados ao 50% en interior e exterior, e en nivel medio baixo, ao 50% en interior e 100% en exterior. Nestes casos non será necesario presentar a acreditación obrigatoria dos niveis máis altos de restricións.
Para o ocio nocturno, que pode seguir aberto, as restricións serán as mesmas que ata o de agora, presentar probas, rexistro de clientes e medidor de CO2.
En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.
Non haberá peche perimetral en ningún dos concellos.