Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
Os casos activos continúan baixando aínda que máis lentamente este martes grazas ás altas e que baixaron os novos contaxios e subiu a hospitalización na planta e mantense na UCI. Así, hoxe hai 1.331 casos activos, o que supón 31 menos que onte. Esta cifra obtense polos 72 novos enfermos que sumaron en 24 horas e as 104 altas.
Ademais, dende que comezou a pandemia, no mes de marzo do pasado ano, hai 17.799 casos rexistrados e 225 persoas falecidas, oito nesta quinta vaga.
A presión hospitalaria baixou. Hai 38 persoas ingresadas (3 menos) nos catro hospitais. Na UCI do Hula hai 8 e nas diferentes plantas son 30 os enfermos (4 menos); 22 están no de Lugo (3 menos), 3 na Mariña (1 menos), 4 en Monforte (os mesmos) e 1 no Polusa (o mesmo).
CAMBIO DE RESTRICIÓNS
O sistema de alerta, que está establecido en 3 niveis, explícase a continuación:
- En alerta máxima: ningún.
- En alerta alta: Viveiro, Burela, Foz, Ribadeo, Xove, Chantada, Lugo e Outeiro de Rei,
- No nivel medio: Cervo, Mondoñedo, Monforte de Lemos, Sarria, Monterroso, Palas de Rei, Cospeito, Guitiriz, Vilalba e As Pontes.
POR COMARCAS
Hoxe volven baixar os casos activos aínda que máis lentamente, 31 menos, onde destacan a baixada de Lugo en 15 casos, Alfoz 10, Viveiro con 6, e Burela, Foz e Sarria con 5 casos cada un. Tamén hai pequenos repuntes na zona da Chaira como en Rábade e Castro de Rei.
A Mariña
- A Pontenova, con menos de 10.
- Alfoz, baixa 10 casos ata 10.
- Barreiros, sobe 1 ata 15.
- Burela, 29, 5 menos que onte.
- Cervo, menos de 10 casos.
- Foz, 24 casos, 5 casos menos.
- Lourenzá, leva quince días sen casos.
- Mondoñedo, sobe 1 ata os 11 casos.
- O Valadouro, segue en 11 casos.
- O Vicedo, con menos de dez.
- Ourol, con menos de dez.
- Ribadeo, baixa 1 ata 48.
- Riotorto, con menos de dez.
- Trabada, menos de 10 casos.
- Viveiro, 80 casos, 6 menos.
- Xove, sen casos na última semana.
Terra Chá
- A Pastoriza, menos de 10.
- Abadín, menos de 10.
- As Pontes, baixa 2 ata 22.
- Begonte, sobe 1 ata 11 casos.
- Castro de Rei, sobe 3 ata 17.
- Cospeito, segue en 15.
- Friol, sen casos nunha semana.
- Guitiriz, baixa 2 ata 16 casos.
- Meira, con menos de 10 casos.
- Muras, sen positivos dende hai máis de quince días.
- Outeiro de Rei, baixa 3 casos ata 24.
- Pol, menos de 10.
- Rábade, sobe 3 ata 13.
- Vilalba, baixa 1 ata 42.
- Xermade, menos de 10.
Comarca de Sarria
- Láncara, con 10 casos.
- O Incio, menos de 10 casos.
- O Páramo, menos de 10 casos.
- Paradela, sen casos nunha semana.
- Samos, menos de 10 casos.
- Sarria, baixa 5 ata 47 casos.
- Triacastela, menos de 10 casos.
Centro da provincia
- A Fonsagrada, segue en 12.
- Antas de Ulla, con menos de 10 casos.
- As Nogais, sen casos nos últimos quince días.
- Baralla, con menos de 10 casos.
- Baleira, con menos de 10 casos.
- Becerreá, con menos de 10 casos.
- Castroverde, con menos de 10 casos.
- Cervantes, con menos de 10 casos.
- Guntín, sen casos na última semana.
- Lugo, baixa 15 casos ata os 395.
- Monterroso, baixa 2 casos ata 13.
- Navia de Suarna, menos de 10 casos.
- Negueira de Muñiz, sen casos en quince días.
- O Corgo, con menos de 10 casos.
- Palas de Rei, sen casos na última semana.
- Pedrafita, con menos de 10 casos.
- Portomarín, sen novos casos nunha semana.
- Ribeira de Piquín, sen novos casos en quince días.
Ribeira Sacra
- Monforte, baixa 3 ata 65 casos.
- Chantada, segue en 29 casos.
- Quiroga, menos de 10 casos.
- Sober, menos de 10 casos.
- A Pobra de Brollón, segue en 22.
- Carballedo, menos de 10 casos.
- O Saviñao, menos de 10 casos.
- Bóveda, sen novos casos nunha semana.
- Taboada, segue en 11 casos.
- Pantón, con menos de 10 casos.
- Ribas de Sil, sen casos en quince días.
- Folgoso do Courel, sen casos en quince días.
AS RESTRICIÓNS
Nas zonas de nivel máximo non se poderá servir nos interiores dos locais de hostalaría e ocio nocturno.
Nas de nivel alto, o aforo será do 30% en interior e do 50% no exterior e o ocio nocturno interior permanecerá pechado e unicamente terán servizo nas terrazas ao aire libre, para o consumo e o servizo sentado na mesa, co 50% da capacidade máxima permitida.
No nivel medio a limitación no interior e na terraza será do 50%, e no ocio nocturno será de 30% no interior e do 50% no exterior.
Por último, no nivel medio-baixo a restrición no interior será de 50% e na terraza ao aire libre do 100%. No ocio nocturno será de 30% no interior e do 50% no exterior.
Non haberá peche perimetral en ningún dos concellos.
En toda Galicia, quedan prohibidas as reunións de máis de 6 personas no conviventes en interiores e de 10 en exteriores, ou de máis de dúas unidades de conviventes nos dous casos. Os non conviventes tampouco poderán reunirse entre a 1.00 e as 6.00 horas nos concellos con nivel alto e máximo e entre as 3.00 e as 6.00 no resto.