O virus rebaixa a incidencia en toda a provincia
![covid 19](https://galiciaxa.com/wp-content/uploads/2021/03/covid-19.jpg)
A covid-19 segue retrocedendo na provincia con 188 casos activos, 5 menos que onte. Na xornada anterior o descenso foi tamén de 5.
De feito, diagnosticaron nas últimas 24 horas 2 casos novos (onte foi 1). Ademais, as altas chegaron ás 11.556, 8 en 24 horas, o día anterior foron 8.
Dende que comezou a pandemia, no mes de marzo do pasado ano, hai 11.960 casos rexistrados e 211 persoas falecidas.
A presión hospitalaria continúa a lenta redución. Na UCI do Hula hai 3 persoas ingresadas, e en planta son 9 os enfermos (2 menos), 8 no hospital de Lugo (1 menos), 1 en Burela (1 menos) e Monforte segue libre de enfermos.
POR COMARCAS
A Mariña
Xornada sen cambios. Incidencia mínima en Viveiro, Burela, Riotorto e Xove.
- Sen casos novos en 15 días están: Trabada, Ourol, O Vicedo, Cervo, Barreiros, Foz, Alfoz, O Valadouro, Mondoñedo e A Pontenova.
- Na última semana tampouco tiveron Lourenzá e Ribadeo.
Terra Chá
A comarca mantén unha incidencia mínima en Outeiro, Friol e Vilalba. Xermade tamén suma unha semana sen novos positivos.
- Guitiriz segue por debaixo de dez casos e sen positivos na última semana. Segue en alerta media.
- No veciño Concello das Pontes están en 11 casos, 1 menos.
- Sen casos nos últimos quince días están: Pol, Abadín, Cospeito, Muras, A Pastoriza, Rábade e Meira.
- Begonte e Castro de Rei sen casos novos na última semana. Únese tamén Xermade.
Centro da provincia
A comarca mantén a incidencia de casos estable e sen cambios.
- Lugo suma un caso e queda en 33 positivos.
- Limpos de covid nos últimos quince días están: A Fonsagrada, Pedrafita do Cebreiro, Negueira de Muñiz, Navia, Cervantes, Ribeira de Piquín, Becerreá, As Nogais, Portomarín e Baralla, Baleira e Guntín.
- Sen casos os últimos 7 están Palas e O Corgo.
Comarca de Sarria
A situación segue mellorando na comarca con Paradela cos valores de incidencia normais.
- Paradela segue en máxima alerta pero xa con niveis normais.
- Sarria segue con 20 casos.
- Triacastela, O Incio e O Páramo seguen limpos de covid dende fai semanas.
- Samos e Láncara xa levan unha semana sen novos positivos.
Ribeira Sacra
Pantón, Sober e Chantada teñen valores normais malia estar en zona de alerta media. O Saviñao é ao revés xa que sobe a incidencia.
- Monforte ten hoxe 29 casos, 3 menos.
- O Saviñao malia ter menos de 10 casos está con incidencia de nivel medio.
- Pantón está por debaixo dos dez casos e a incidencia segue por debaixo dos valores de alerta media.
- Sen casos en quince días: Carballedo, Folgoso do Courel e Ribas de Sil.
- Sen casos nos últimos sete días están Bóveda, A Pobra de Brollón e Sober.