Balance da situación da covid-19 nas distintas comarcas da provincia de Lugo. Casos activos, contaxios e defuncións concello a concello.
A covid segue sen ceder nas cifras oficiais malia o seu apunte cara a contención. Os contaxios novos seguen reducíndose con relación a onte pero de forma pouco notoria pero a hospitalización volve incrementarse.
Así, hoxe hai 8.049 casos activos, 161 máis que onte, con 651 novos contaxios e 488 altas. Onte os casos subiron 143, con 676 novos contaxios e 531 altas.
Ademais, dende que comezou a pandemia, no mes de marzo do 2020, hai 37.721 casos rexistrados e 270 persoas falecidas.
A presión hospitalaria aumenta. Na UCI do Hula son 6 os ingresados (1 máis), mentres en planta son 51 os pacientes (2 máis), 38 no de Lugo (3 máis), 8 na Mariña (2 menos) e 5 en Monforte (1 máis).
POR COMARCAS
A covid recupera a tendencia dos días pasados e volve subir en maior parte dos concellos, algúns deles con porcentaxes moi destacadas.
Así, Lugo suma 53 novos enfermos, Ribadeo 24, Burela 21, Foz e Chantada 20, Vilalba 14 e Viveiro 13. O resto seguen por debaixo de dez contaxios novos.
Ademais Muras continúa limpo dende hai semanas e agora súmase Negueira de Muñiz, que certifica 7 días. Con menos de dez casos están Ribeira de Piquín e As Nogais.
A Mariña
- Alfoz: 31.
- A Pontenova: 72 (7 máis).
- Barreiros: 91 (8 máis).
- Burela: 452 (21 máis).
- Cervo: 173 (9 máis).
- Foz: 260 (20 máis).
- Lourenzá: 50 (9 máis).
- Mondoñedo: 106 (9 máis).
- O Valadouro: 100 (2 máis).
- O Vicedo: 19 (4 máis).
- Ourol: 16 (4 menos).
- Ribadeo: 373 (24 máis).
- Riotorto: 16 (2 máis).
- Trabada: 15 (2 máis).
- Viveiro: 440 (13 máis).
- Xove: 79 (6 máis).
Terra Chá
- Abadín: 53 contaxios (2 máis).
- A Pastoriza: 83.
- As Pontes: 257 (7 máis).
- Begonte: 67 (7 máis).
- Castro de Rei: 121 (5 máis).
- Cospeito: 99 (4 máis).
- Friol: 68 (7 máis).
- Guitiriz: 192 (7 menos).
- Meira: 49 (8 máis).
- Muras: Máis de quince días limpo.
- Outeiro de Rei: 107 (2 máis).
- Pol: 29 (1 menos).
- Rábade: 31 (7 menos).
- Vilalba: 424 (14 máis).
- Xermade: 25.
Comarca de Sarria
- Láncara: 65 enfermos (5 máis).
- O Incio: 24 (2 máis).
- O Páramo: 28 (2 máis).
- Paradela: 48 (6 máis).
- Samos: 43.
- Sarria: 514 (4 menos).
- Triacastela: 24 (1 menos).
Centro da provincia
- A Fonsagrada: 63 positivos (3 menos).
- As Nogais: menos de 10 casos.
- Antas de Ulla: 24 (2 máis).
- Baleira: 18 (2 máis).
- Baralla: 72 (3 máis).
- Becerreá: 42 (3 máis).
- Castroverde 45 (4 máis).
- Cervantes: 27 (2 menos).
- Guntín: 47 (1 máis).
- Lugo: 3.446 (53 máis).
- Monterroso: 98.
- Navia de Suarna: 13 (3 máis).
- Negueira de Muñiz: Unha semana sen casos.
- O Corgo: 89.
- Palas de Rei: 47 (1 máis).
- Pedrafita: 15 (3 menos).
- Portomarín: 26 (1 menos).
- Ribeira de Piquín: menos de 10 casos.
Ribeira Sacra
- A Pobra do Brollón: 35 enfermos.
- Bóveda: 25 (2 máis).
- Carballedo: 30 (1 menos).
- Chantada: 294 (20 máis).
- Folgoso do Courel: 18.
- Monforte: 367 (17 menos).
- O Saviñao: 39 (5 máis).
- Pantón: 38 (3 menos).
- Quiroga: 85 (6 máis).
- Ribas de Sil: 26 (1 máis).
- Sober: 24 (1 menos).
- Taboada: 42.
RESTRICIÓNS
- A hostalaría terá que pechar ás 00.00 horas todos os días, agás os venres e os sábados que poderá abrir ata a 1.00 horas.
- No lecer nocturno. Os pubs poderán abrir ata as 2.00 horas.
- Toque de non queda no que non será posible quedar con ningunha persoa entre as 3.00 e as 6.00 horas. Funcionará só as noites dos xoves, vneres e sábados.
- Prohíbese o consumo en barra e vétanse os eventos musicais masivos.
- Certificado covid na hostalaría e nas residencias, ximnasios, piscinas e actividades deportivas en instalacións pechadas; actos multitudinarios ou con autorización para a venda e consumo de alimentos.
- Segue sendo obrigatorio o uso de máscaras en interior e en exterior agás para a práctica deportiva individual e en espazos naturais con distancia de seguridade.
- As reunións de non convivintes en interiores quedan reducidas a 8 comensais en interior e 10 en exteriores.
- A cuarentenas serán de 7 días (en lugar de 10).
- Redución ao 75% dos aforos en competicións profesionais ao exterior e do 50% nos interiores.
